मुंबई: अभिनेत्री दीपिका पदुकोण (Deepika Padukon) ही भारतीय प्रेक्षकांच्या मनावर राज्य करणारी अभिनेत्री आहे. तिने आपल्या निखळ सौंदर्याने आणि दमदार अभिनयाने भारतीय चित्रपटसृष्टीत आपले वेगळे स्थान निर्माण केले आहे. भारताप्रमाणेच आंतरराष्ट्रीय पातळीवर तिची लोकप्रियता अधिक आहे. आता दीपिकाच्या कारकिर्दीत अजून एक मानाचा तुरा रोवला आहे. जगातील सर्वात सुंदर महिलांच्या यादीत तिच्या नावाचा समावेश झाला आहे. तिने आपल्या अभिनयाची सुरुवात ‘ओम शांती ओम’ चित्रपटातून केली होती. (Bollywood Film) (Bollywood Actress)

नुकतेच शास्त्रज्ञांनी निकाल जाहिर केल्याप्रमाणे जगातील सर्वात सुंदर स्त्रीचा चेहरा म्हणून दीपिकाची निवड करण्यात आली आहे. या यादीत दहा महिलांची नावे जाहीर करण्यात आली असून, यामध्ये बॉलिवूड अभिनेत्री दीपिका पदुकोणनेही आपले स्थान निर्माण केले आहे. दीपिका पदुकोण ही एकमेव भारतीय महिला आहे. तिचे नाव जगातील दहा सुंदर महिलांच्या यादीत समाविष्ट झाले आहे. एकदा जाणून घेऊया यात कोणकोणत्या महिलांचा यामध्ये समावेश झाला आहे.

शास्त्रज्ञांनी जाहिर केल्याप्रमाणे जगातील सर्वात सुंदर महिलांच्या चेहऱ्यांचे सौंदर्य प्रमाण मोजण्यासाठी एका प्राचीन ग्रीक तंत्रे वापरत कम्प्युटरवर मॅपिंग धोरण वापरत निष्कर्ष काढला. या पद्धतीला 'गोल्डन रेशो ऑफ ब्युटी' असेही संबोधतात. त्याच्या तंत्रानुसार जोडी कॉमरला जगातील सुंदर महिलेचा किताब घोषित झाला आहे. सोबतच बियॉन्से आणि किम कार्दशियन यांनीही पहिल्या १० नावांमध्ये स्वत:चे स्थान निर्माण केले. बॉलिवूड अभिनेत्री दीपिका पदुकोण ही जगातील १० सर्वात सुंदर महिलांच्या यादीत समावेश झालेली एकमेव भारतीय अभिनेत्री ठरली आहे. या यादीत दीपिका नवव्या क्रमांकावर आहे. तिला ९१.२२ गुण मिळाले आहेत.

प्राचीन ग्रीकच्या मते, एखाद्याच्या चेहऱ्यावर आणि शरीरावरील विशिष्ट गुणोत्तरानुसार सौंदर्य मोजले जाऊ शकते. या यादीत झेंडाया, बेला हदीद, बियॉन्से, एरियाना ग्रांडे, टेलर स्विफ्ट, जॉर्डिन डन, किम कार्दशियन, दीपिका पदुकोण आणि होयॉन जंग या १० महिलांनी आपले स्थान पटकावले आहे.

Edit By: Chetan Bodke