भाजप खासदार आणि बॉलिवूड अभिनेत्री कंगना राणौत (Kangana Ranaut) या नेहमी कोणत्या ना कोणत्या कारणामुळे चर्चेत असतात. आता कंगना राणौत या आपल्या वैयक्तिक आयुष्यामुळे चर्चेत आल्या आहेत.

भाजप खासदार (MP) आणि बॉलिवूड अभिनेत्री कंगना राणौत यांनी मुंबईतील वांद्रे पाली हिलमधील त्यांचा स्वतःचा बंगला विकला आहे. त्यांनी हा बंगल्याचा व्यवहार 32 कोटी रुपयांना केला. कंगना राणौत यांनी 2017 मध्ये हा बंगला 20 कोटी रुपयांना खरेदी केला होता. हा बंगला खूप मोठा आहे. 3,075 स्क्वेअर फूट चा आहे.

कंगना राणौत यांनी बंगल्याच्या व्यवहाराची 5 सप्टेंबर 2024 रोजी नोंदणी केली. त्यांनी मुद्रांक शुल्क (Stamp Duty Restitution) 1.92 कोटी रुपये तर 30,000 रुपये नोंदणीसाठी भरले. त्यांच्या या बंगल्याचे श्वेता बथिजा, कमलिनी होल्डिंग्जची भागीदार आहेत.

भाजपच्या लोकसभा उमेदवार कंगना रणौत यांना बंगला विकल्यामुळे 12 कोटींचा नफा झाला आहे. पाली हिलमध्ये अनेक बॉलिवूड स्टार राहतात. कंगना राणौत यांनी हा सुंदर बंगला का विकला याचे अद्याप कोणतेही कारण स्पष्ट झाले नाही आहे. कंगना राणौत यांचा बहुचर्चित चित्रपट लवकरच प्रेक्षकांच्या भेटीला येणार आहे. या चित्रपटात कंगना राणौत यांनी माजी पंतप्रधान दिवंगत इंदिरा गांधी यांची भूमिका साकारली आहे. तसेच यांनी चित्रपटाचे दिग्दर्शन देखील केले आहे.