Shahrukh Khan: सध्या बॉलिवूडमध्ये अनेक चित्रपट वादाच्या भोवऱ्यात अडकल्याशिवाय प्रेक्षकांना चित्रपट पाहता येत नाही. सोबतच तो चित्रपटही बॉक्स ऑफिसवर चांगलाच गल्ला जमवत जमवतो. मग तो कोणताही कलाकार असु देत. बॉलिवूड चित्रपट वादाच्या भोवऱ्यात सापडणे काही पहिली गोष्ट नाही. सध्या अभिनेता शाहरुख खानच्या बहुप्रतिक्षित 'पठाण' चित्रपटाभोवती वाद सुरु झाला आहे. चित्रपट येत्या जानेवारी 2023 मध्ये प्रदर्शित होणार आहे.

चित्रपटाचा टीझर आणि पहिले गाणे आधीच प्रदर्शित झाले असून निर्मात्यांनी अद्यापही चित्रपटाच्या ट्रेलरची घोषणा केलेला नाही. शाहरुखचा एक व्हिडीओ सध्या सोशल मीडियावर मोठ्या प्रमाणात व्हायरल होत आहे. यामध्ये शाहरुख स्वत: मान्य करत आहे की, मी पाकिस्तानमधील पठाण वंशाशी संबंधित आहे. जेव्हाही पाकिस्तान जिंकतो तेव्हा मला भारत जिंकला असंच वाटतं आणि आनंदीत होतो.

हा व्हिडिओ सध्या सोशल मीडियावर बराच व्हायरल होत असून सर्व चुकीच्या कारणांमुळे लक्ष वेधून घेतले आहे. अनेकांनी अभिनेत्याला पाकिस्तानच्या बाजूने बोलल्याबद्दल चांगलेच ट्रोल केले आहे. काहींनी त्याच्या आगामी 'पठान' चित्रपटावरही त्याला बहिष्कार टाकण्याचे आवाहनही केले.

शाहरुख खान 4 वर्षांच्या मोठ्या ब्रेकनंतर 'पठाण' चित्रपटातून मोठ्या पडद्यावर पुन्हा एकदा कमबॅक करणार आहे. त्याच्या या कमबॅकची चर्चा बऱ्याच दिवसांपासून होत आहे, चाहते त्याला पुन्हा मोठ्या पडद्यावर पाहण्यासाठी उत्सुक आहेत.

पठाणमध्ये तो अभिनेत्री दीपिका पदुकोणसोबत दिसणार आहे , तर त्याच्याकडे डंकी आणि जवान सारखे चित्रपटही आहेत .