सध्या बॉलिवूडचे कॉमेडी किंग अभिनेते परेश रावल (Paresh Rawal) कोणत्या ना कोणत्या कारणामुळे चांगलचे चर्चेत आहे. त्यांचा 'हेरा फेरी 3' लवकरच प्रेक्षकांच्या भेटीला येणार आहे. 'हेरा फेरी' चित्रपटातील बाबुराव हे पात्र खूप गाजले. या पात्राला प्रेक्षकांकडून खूप प्रेम मिळाले आहे. आजही हे पात्र चाहत्यांच्या मनात जिवंत आहे. नुकत्याच एका मिडिया मुलाखतीत परेश रावल यांनी बाबुराव (Baburao Character ) या पात्रासंबंधित मोठे विधान केले आहे. त्यांचे हे विधान सोशल मीडियावर तुफान व्हायरल होत आहे.

मिडिया मुलाखतीत परेश रावल यांनी "माझी 'हेरा फेरी' मधील भूमिका 'गले का फंदा' आहे." असे विधान त्यांनी केले आहे. मुलाखतीत परेश रावल यांना 'हेरा फेरी' चित्रपटाबद्दल विचारण्यात आले तेव्हा ते म्हणाले की, मला बाबू भैय्या या पात्रापासून मुक्ती हवी आहे. आपली 'बाबुराव' भूमिका सोडण्यासाठी परेश रावल यांनी दिग्दर्शक विशाल भारद्वाज आणि आर. बाल्की यांच्याशी संवाद साधला.

पुढे परेश रावल म्हणाले की, "हेरा फेरी चित्रपटातील बाबुरावची भूमिका माझ्या गळ्याला लागलेला फास आहे. मी विशाल भारद्वाज यांना म्हणालो होतो की, मला हेरा फेरीमधील बाबुरावपासून मुक्ती द्या. सेम गेटअपमध्ये मला वेगळा रोल देऊ शकता का? त्यानंतर मी 2022 मध्ये आर बल्की यांना म्हणालो की, "मला याच गेटअपमध्ये दुसरे पात्र द्या. ही भूमिका करताना माझी घुसमट होत आहे."

'हेरा फेरी 3' हा चित्रपट 'हेरा फेरी' फ्रॅन्चायजीचा तिसरा भाग आहे. 'हेरा फेरी' चित्रपट 2000 साली प्रेक्षकांच्या भेटीला आला होता. त्यानंतर 2006ला 'फिर हेरा फेरी' चित्रपट रिलीज करण्यात आला. या दोन्ही चित्रपटांना प्रेक्षकांकडून भरपूर प्रेम मिळाले आहे. आता या चित्रपटाचा तिसरा भाग 'हेरा फेरी 3' येणार आहे. मीडिया रिपोर्टनुसार, 'हेरा फेरी 3' नवीन वर्षात 2026 ला प्रेक्षकांच्या भेटीला येणार आहे. चाहते 'हेरा फेरी 3' साठी उत्सुक असल्याचे पाहायला मिळत आहे.