बॉलिवूडचा सुपस्टार गोविंदा कायम कोणत्या ना कोणत्या कारणामुळे चर्चेत असतो. त्याच्या स्टाइलचे आणि अभिनयाचे चाहते दिवाने आहेत. तो अनेक सामाजिक कार्यक्रमांमध्ये हजेरी लावतो. त्याला पाहण्यासाठी चाहते तुफान गर्दी करतात. गोविंदा बॉलिवूडचा 'हिरो नंबर १' आहे.

'आजतक'च्या रिपोर्टनुसार, काल रात्री गोविंदा एका कार्यक्रमात दिसला. ज्याचे व्हिडीओ आणि फोटो सोशल मीडियावर तुफान व्हायरल होत आहे. तो काळ्या रंगाच्या सूटममध्ये खूपच हँडसम दिसत होता. गोविंदाने कार्यक्रमात सुंदर डान्स केला देखील केला. सर्वजण कार्यक्रमाचा आनंद घेत असताना गोंधळ उडाला. ज्याचा व्हिडीओ समोर आला आहे.

सोशल मीडियावर व्हायरल होणाऱ्या व्हिडीओमध्ये एका बाउन्सर आणि पापाराझीमध्ये झटापट झालेली दिसत आहे. अभिनेत्याच्या बाउन्सरने पापाराझींना थांबवले आणि त्यांना धक्काबुक्की केली. यामुळे पापाराझी संतापले आणि त्यांच्यात जोरदार वाद झाला. त्यानंतर गोविंदाने तिथे येऊन परिस्थिती शांत केली. दोघांना शांत केले आणि गोविंदा तेथून निघून गेला. अभिनेत्याने शांतपणे परिस्थिती हाताळली.

गोविंदाचा हा व्हिडीओ सोशल मीडियावर तुफान व्हायरल होत आहे. ज्यावर नेटकऱ्यांच्या भरभरून कमेंट्स येत आहेत. नेटकरी अभिनेत्याच्या कृतीचे कौतुक करत आहेत. गोविंदाने आजवर अनेक सुपरहिट चित्रपट दिले आहेत. यात 'आँखें' (१९९३), 'हिरो नं. १' (१९९७), 'साजन चले ससुराल' (१९९६), 'राजा बाबू' (१९९४), 'कुली नं. १' (१९९५), 'दुल्हे राजा' (१९९८) आणि 'पार्टनर' (२००७) यांसारख्या चित्रपटांचा समावेश आहे.