बॉलिवूडमधील सर्वाधिक चर्चेत असलेले कपल म्हणजे मलायका अरोरा आणि अर्जुन कपूर. या दोघांना कायमच आपल्या नात्यामुळे ट्रोल करण्यात येते. मात्र आता मलायका आणि अर्जुनचा (Arjun Kapoor) ब्रेकअपची चर्चा सोशल मीडियावर चांगलीच रंगली आहे. मात्र आता अर्जुन कपूरने यावर शिक्कामोर्तब केला आहे. मलायका अरोरा आणि अर्जुन कपूर 2018 पासून एकत्र होते.

अरबाजसोबत घटस्फोट झाल्यानंतर मलायका (Malaika Arora) अर्जुन कपूरसोबत रिलेशनशिपमध्ये होती. त्यांनी तब्बल सहा वर्ष एकमेकांना डेट केले आणि आता ते वेगळे झाले आहेत. महाराष्ट्र नवनिर्माण सेनेच्या दिवाळी कार्यक्रमात 'सिंघम अगेन'ची टिम आली होती. तेव्हा लोकांशी बोलतानाचा अर्जुन कपूरचा व्हिडीओ सोशल मीडियावर व्हायरल होत आहे. रोहित शेट्टी , अजय देवगण, अर्जुन कपूर आणि टायगर श्रॉफ या कार्यक्रमाला आले होते. व्हायरल होणाऱ्या व्हिडीओमध्ये तुम्ही पाहू शकता की, अर्जुन कपूरच्या शेजारी मनसे प्रमुख राज ठाकरे उभे असताना दिसत आहेत. तेव्हा अर्जुन कपूरने लोकांशी बोलताना मलायका आणि आपल्या ब्रेकअपची गोष्ट सांगितली आहे.

तुम्ही व्हिडीओमध्ये पाहू शकता की, अर्जुनने हातात माईक घेताच सर्वजण मलायकाचे नाव घेत ओरडू लागले होते. तेव्हा अर्जुन "मी आता सिंगल आहे" असे मोठ्याने म्हणाला. पुढे अर्जुन म्हणाला की, माझी ओळख टॉल व हँडसम अशी करून दिली म्हणून वाटले लग्नाबाबत बोलणार आहात. त्यानंतर अर्जुनने सर्वांना दिवाळीच्या शुभेच्छा दिल्या.

अर्जुन कपूर आता सिंघम अगेनमधून प्रेक्षकांच्या भेटीला येणार आहे. यात त्याने खलनायिकाची भूमिका साकारली आहे. हा चित्रपट १ नोव्हेंबरला प्रदर्शित होणार आहे.