Rakul Preet And Jackky Bhagnani Wedding Update:

बॉलिवूड (Bollywood) इंडस्ट्रीतील सर्वांचे आवडते आणि चर्चेत असलेले कपल म्हणजे रकुल प्रीत सिंग (Rakul Preet Singh) आणि जॅकी भगनानी (Jackky Bhagnani). चार वर्षे एकमेकांना डेट केल्यानंतर हे कपल लवकरच लग्न करणार आहे. येत्या २१ फेब्रुवारीला गोव्यामध्ये रकुल प्रीत सिंग आणि जॅकी भगनानी यांचा शाहीविवाह सोहळा पार पडला आहे.

गोव्यामध्ये सध्या त्यांच्या लग्नापूर्वीच्या विधींना देखील सुरुवात झाली आहे. रकुल-जॅकीच्या लग्नासाठी (Rakul Preet-Jackky Wedding) बॉलिवूडचे अनेक सेलिब्रिटी देखील गोव्यामध्ये दाखल झाले आहेत. रकुल आणि जॅकीच्या लग्नाबाबत दररोज नवनवीन अपडेट्स समोर येत आहेत. अशामध्ये लग्नामध्ये जॅकी भगनानी होणारी पत्नी रकुल प्रीतला खास गिफ्ट देणार आहे. सध्या या गिफ्टची जोरदार चर्चा सुरू आहे.

जॅकी भगनानी त्याची होणारी पत्नी रकुल प्रीत सिंगला लग्नाच्या दिवशी एक सुंदर सरप्राईज देणार आहे. जे पाहून वधू रकुल प्रीत भावुक होऊ शकते. बॉम्बे टाईम्सच्या रिपोर्टनुसार, लग्नाच्या दिवशी जॅकी त्याच्या लेडी लव्हसाठी एक सुंदर परफॉर्मन्स देणार आहे. तिच्यासाठी तो एक गाणं गाणार आहे. जॅकीला त्याची होणारी पत्नी रकुलला एक सुंदर आणि संस्मरणीय भेट द्यायचे होते त्यासाठी त्याने हा गाण्याचा परफॉर्मन्स करण्याचे ठरवले आहे.

जॅकी या गाण्यातून त्याचे आणि रकुलमधील सुंदर नाते आणि प्रवास उलगडणार आहे. जॅकी त्याच्या होणाऱ्या पत्नीसाठी गाणाऱ्या गाण्याचे टायटल 'बिन तेरे' असे आहे. जे मयूर पुरी यांनी लिहिले आहे. या गाण्याला संगीतकार तनिष्क बाग संगीत देणार आहे. तनिष्क बागने झहरा एस खान आणि रोमी सारख्या कलाकारांसोबत गाणी गायली आहेत.

रकुल प्रीत सिंह आणि जॅकीची लव्हस्टोरी फिल्मी कथेपेक्षा कमी नाही. दोघेही शेजारी होते. पण त्यांना कधीच कळले नाही. मैत्री नव्हती, पण लॉकडाऊन दरम्यान त्यांच्यात एक बॉन्ड तयार झाला आणि दोघांनी डेट करायला सुरुवात केली. रकुल आणि जॅकीने 2021 मध्ये त्यांच्या नात्याची अधिकृत घोषणा केली होती. त्यानंतर आता या कपलने लग्न करण्याचा निर्णय घेतला. येत्या २१ फेब्रुवारीला रकुल प्रीत कायमची जॅकी भगनानीची होणार आहे.