काल महाराष्ट्राला त्याच्या 5 बिग बॉस मराठी (Bigg Boss Marathi) विजेता मिळाल. बिग बॉसची ट्रॉफी उचलण्याचा मान सूरज चव्हाणने मिळवला आहे. सूरजच्या गुलीगत पॅटर्न लाखो प्रेक्षकांच्या मनावर राज्य केलं आहे. सूरजला सुरुवातीपासूनच ट्रॉफी आपण जिंकणार हा आत्मविश्वास होता.

'बिग बॉस मराठी 5' च्या विजयानंतर सूरजने (Suraj Chavan) मीडियाशी बोलताना म्हणाला की, "मी माझ्या चाहत्यांचे आणि बिग बॉस मराठीचं खूप आभार मानतो. मला अभिमान आहे की मी बिग बॉसची ट्रॉफी जिंकलो आहे. मी आधीच म्हणालो होतो की मीच ट्रॉफी जिंकणार आहे, मी 'झापुक झुपूक' पॅटर्नमध्ये ट्रॉफी घेऊन घरी जाणार आहे. आज हे खरं झालं. आपला पॅटर्न लय हटके गुलीगत पॅटर्न…बुक्कीत टेंगूळ!" मिळालेल्या रक्कमेचं सूरज घर बांधणार असल्याचे सांगितले आहे. तसेच त्या घराला तो 'बिग बॉस' नाव देणार आहे.

अभिजीत सावंत आणि निक्की तांबोळी टॉप-3 मध्ये आले. सूरजला पहिल्या दिवसापासून प्रेक्षकांनी आणि घरातील सदस्यांनी खूप साथ दिली. सूरजला ट्रॉफीसोबतच 14.6 लाखांचा पारितोषिक मिळालं आहे.सूरजनं खूप कठीण परिस्थितीचा सामना केला आहे. त्याच्या आई-बाबांचं लहानपणीच निधन झाले आहे. त्याचा संपूर्ण सांभाळ त्याच्या मोठ्या बहिणेने केला आहे. बिग बॉसच्या घरात सूरजने कमाल खेळ खेळला आहे. आपल्या बोलण्याने आणि वागण्याने प्रेक्षकांची मनं जिंकली आहेत. पॅडी दादासारखा मित्र त्यांने कमावला आहे. तो आपल्या शैलीमुळे बिग बॉस घरात कायम चर्चेत राहीला.