मनोरंजनाचा बादशाह असलेल्या 'बिग बॉस मराठी'च्या नव्या सीझनची घोषणा करण्यात आलीय. यावेळी महेश मांजरेकर ऐवजी रितेश देशमुख बिग बॉस घरात सर्वांवर नजर ठेवणार आहे. काही दिवसांपूर्वीच 'बिग बॉस मराठी'चा जबरदस्त प्रोमो प्रेक्षकांच्या भेटीला आला होता. या प्रोमोवरुन रितेश 'बिग बॉस'ची शोभा वाढवणार असल्याचं स्पष्ट झालाय. त्याता आता पुन्हा नव्या पर्वाचा नवा प्रोमो प्रेक्षकांच्या भेटीला आला आहे...

बिग बॉस मराठीच्या पहिल्या प्रोमोमध्ये रितेशची लयभारी स्टाईल पहायाला मिळाली होती. आता या नव्या प्रोमोमध्ये रितेशची डायलॉगबाजी पहायला मिळाली आहे. 'तंटा नाय तर घंटा नाय' असं म्हणत मी रितेशनं आपला वेगळा अंदाज प्रेक्षकांना दाखवून दिलाय.. तसंच 'ते प्लॅन बनवणार आणि मी तोडणार.. कारण आता मी आलोय तर कल्ला होणार... तो पण माझ्या स्टाईलने".असा वेगळा स्वॅग रितेशनं नव्या प्रोमो मधून दाखवून दिलाय. त्यामुळे बिग बॉसच्या घरात अफलातून धमाल आणि कल्ला तर होणारच यात काही शंका नाही.

'बिग बॉस' मराठीचा नवा सीझन प्रेक्षकांना कलर्स मराठी आणि जिओ सिनेमावर पाहता येणार आहे. रितेश देशमुख आपल्या आगळावेगळ्या भन्नाट स्टाईलनं प्रेक्षकांच मनोरंजन करणार आहे. परंतु या सिजनमध्ये स्पर्धक कोण असतील, कोणाला संधी मिळेल, कोणाची खेळी प्रेक्षकाला भावेल याची उत्सुकता प्रेक्षकांना लागली आहे. वेगवेगळ्या आव्हानाना तोंड देत, बिग बॉसच्या घरातील कल्ला लवकरच प्रेक्षकांचं मनोरंजन करेल यात काही शंका नाही.