बिग बॉसच्या (Bigg Boss) घरात अनेक सदस्यांमध्ये प्रेमाची नाती तयार होतात. काहींची घराबाहेर येताच तुटतात तर काहींची आयुष्य भरासाठी एकमेंकाची साथ देतात. असेच एक कपल ज्यांचे बिग बॉसच्या घरात प्रेम जळले आणि आता त्यांनी एका गोंडस बाळाला जन्म दिला आहे. हे कपल दुसरे तिसरे कोणी नसून 'बिग बॉस 9' (Bigg Boss 9) फेम युविका चौधरी आणि प्रिन्स नरुला आहेत.

प्रिन्स (Prince Narula) आणि युविकाच्या (Yuvika Chaudhary) घरी चिमुकल्याचे आगमन झाले आहे. युविकाने एका गोंडस मुलाली जन्म दिला आहे. शनिवारी संध्याकाळी युविकाने आपल्या मुलीला जन्म दिला आहे. प्रिन्स आणि युविकाच्या लग्नाच्या सहा वर्षांनंतर ते आई-बाबा झाले आहे. मीडिया रिपोर्टनुसार, प्रिन्सच्या वडीलांनी ही गोड बातमी दिली आहे आणि आपला आनंद व्यक्त केला आहे.

बिग बॉसच्या घरात युविका आणि प्रिन्सच्या मैत्रीला सुरूवात झाली. पुढे काही काळ ते एकमेंकांना डेट करू लागले. या जोडप्याने 2016 ला साखरपुडा केला. तर 2018 ला ते लग्नबंधनात अडकले.

प्रिन्स नरुला हा 'बिग बॉस 9' चा विजेता झाला होता. तसेच त्यांनी 'रोडीज एक्स 4'ही जिंकले होते. युविका आणि प्रिन्सने डोहाळे जेवणही खूप थाटामाटात पार पडले. त्यांनी खूप सुंदर फोटो सोशल मीडियावर शेअर केले होते. सध्या त्यांच्यावर चाहत्यांकडून आणि सेलिब्रिटींकडून प्रेमाचा वर्षाव होत आहे. आता ही दोघ या गोंडस मुलीचे नाव काय ठेवणार याची चाहत्यांना उत्सुकता लागली आहे.