'बिग बॉस 19'मध्ये (Bigg Boss 19) नुकताच कॅप्टन्सी टास्क पार पडला आहे. अलिकडेच अभिषेक बजाज आणि नीलम यांना घराबाहेर काढण्यात आले आहे. त्यानंतर मिड-वीक एविक्शनमध्ये मृदुल तिवारी घराबाहेर जातो. 'बिग बॉस 19'चा मास्टर माइंड गौरव खन्ना या आठवड्यात घराचा नवीन कॅप्टन बनतो. कॅप्टन्सी टास्क दरम्यान बिग बॉसमधील सदस्य या आठवड्यात बाहेर जाण्यासाठी नॉमिनेट झाले.

कॅप्टन्सी टास्कमध्ये गौरव खन्ना आणि शाहबाज बदेशा यांना सर्वाधिक मते मिळाली. तेव्हा बिग बॉसने गौरवला कॅप्टन बनण्याचा पर्याय दिला. ज्याच्या बदल्यात संपूर्ण घराला नॉमिनेट केले जाईल आणि 30 टक्के राशन गमवावे लागेल, असे सांगितले गेले. तर शाहबाज कॅप्टन झाला असता तर 100% राशन मिळणार आणि कोणालाही नॉमिनेट केले जाणार नव्हते. त्यानंतर गौरव खन्ना 'बिग बॉस 19'चा नवा कॅप्टन बनला आणि त्याने संपूर्ण घराला नॉमिनेट केले. मात्र त्यानंतर बिग बॉसने गौरवला कॅप्टनशिपवरून काढून टाकले आहे. ज्यामुळे आता संपूर्ण घर नॉमिनेट झाले आहे.

नॉमिनेट सदस्यांची नावे

• गौरव खन्ना

• अमाल मलिक

• फरहाना भट्ट

• तान्या मित्तल

• शहबाज बदेशा

• मालती चहर

• प्रणित मोरे

• कुनिका सदानंद

• अशनूर कौर

'बिग बॉस 19'ची माहिती देणाऱ्या सोशल मिडिया पेजप्रमाणे या आठवड्यात बिग बॉसच्या घरातून अशनूर कौर आणि कुनिका सदानंद बाहेर जाऊ शकतात.

अमाल, फराह आणि कुनिका म्हणाले की, "बिग बॉसने युक्ती खेळली आणि त्यांनी हुशारीने गौरवला कॅप्टन बनवले. " सततच्या आरोपांमुळे बिग बॉस नाराज झाले आणि सर्वांना असेंब्ली रूममध्ये बोलावले. घरातील सदस्यांनी कागदावर मतदान केले आणि घराचा नवा कॅप्टन शेहबाज बनला. त्यामुळे गौरव आता इतर स्पर्धकांसह नॉमिनेट झाला आहे.