'बिग बॉस 19'मध्ये रोज एक नवीन ड्रामा पाहायला मिळत आहे. नेहल, बसीर अलीच्या एलिमिनेशननंतर घरातील चित्र खूपच बदलले आहे. अभिषेक आणि अशनूरच्या एका चुकीमुळे संपूर्ण घराला नॉमिनेट केले जाते. तर दुसरीकडे प्रणीत मोरे आणि मालती चाहरची मैत्री वाढताना दिसत आहे. प्रेक्षकांना त्यांची केमिस्ट्री खूपच आवडत आहे. नुकताच घरात कॅप्टन्सी टास्क पार पडला आहे.

'बिग बॉस 19'च्या घरीत 'रेशन-कम-कॅप्टन्सी टास्क' रंगला आहे. गार्डन एरियात शहबाज, प्रणित आणि रेशन यांचे तीन वेगवेगळे बोर्ड असतील. या टास्कचे संचालन मृदुल तिवारी करतो. या टास्कमधून घराला नवा कॅप्टन भेटणार आहे. तर रेशन किती मिळणार हे ठरणार आहे. कॅप्टन्सी टास्कमध्ये तीन बॉल असतात. त्यातील एकावर नंबर लिहिलेला असतो. तो बॉल घरातील इतर सदस्यांना पकडायचा असतो. जो हा बॉल पकडेल त्याने ठरवायचे की बॉल कोणाला द्यावा. हा गेममधून शहबाज आणि प्रणितला वगळण्यात आले.

कॅप्टन्सी टास्कच्या शेवटी सर्वांत जास्त पॉइंट्स प्रणितच्या बोर्डवर दिसले. ज्यामुळे महाराष्ट्रीयन भाऊ प्रणित मोरे घराचा नवा कॅप्टन झाला. प्रणितला कॅप्टन होण्यासाठी अभिषेक, अशनूर, मालती, गौरव मदत करतात. आता प्रणित मोरेच्या राज्यात घरात काय काय होते हे पाहणे महत्त्वाचे आहे.

'बिग बॉस 19'चा यंदाचा 'वीकेंड का वार' चांगलाच गाजणार आहे. कारण यात घरातील दोन सदस्य सोडून सर्व स्पर्धकांना नॉमिनेट करण्यात आले आहे. या आठवड्यात कोण घराबाहेर जाणार हे पाहणे मनोरंजक ठरणार आहे.