सलमान खानचा लोकप्रिय रिॲलिटी शो 'बिग बॉस 19' सध्या चांगला चर्चेत आहे. लवकरच शोचा ग्रँड फिनाले पार पडणार आहे. नुकतीच बिग बॉसच्या घरातून कुनिकाची एक्झिट झाली आहे. कमी मते मिळाल्यामुळे तिला बिग बॉसचे घर सोडावे लागले आहे. आता नवीन आठवड्याला सुरुवात झाली असून नुकताच घरात नॉमिनेशन टास्क पार पडला आहे. ज्यामध्ये मोठा राडा होताना पाहायला मिळाला आहे.

'बिग बॉस 19'ने एक प्रोमो शेअर केला आहे. त्यात घरातील सदस्य नॉमिनेशन टास्क खेळताना दिसत आहे. घरातील सदस्याला ज्याला या आठवड्यात नॉमिनेट करायचे असते. त्यांच्या चेहऱ्यावर नॉमिनेशनचा शिक्का मारायचा होता. तेव्हा फरहानाने गौरव आणि अशनूरवर नॉमिनेशनचा शिक्का मारला. प्रणित मोरेने अमालला नॉमिनेट केले. शहबाजने तान्या मित्तलवर नॉमिनेशनचा शिक्का मारला. तर अमालने गौरवला नॉमिनेट केले. तेव्हा तान्या मित्तल मालती चाहरला नॉमिनेट करते. तिच्या तोंडावर नॉमिनेशनचा शिक्का मारते. यामुळे त्यांच्यात मोठे भांडण होते.

तान्या मित्तलची असभ्यता पाहून नॉमिनेशन टास्क दरम्यान मालती चहर संतापते आणि तिला थप्पडही मारली. तान्या मित्तलने बिग बॉसला सांगितले की, तिला सर्व घरातील सदस्यांना नॉमिनेट करायचे आहे. तान्या मित्तलने मालती चहरच्या ओठांवर नॉमिनेशनचा शिक्का मारते. त्यामुळे रागाच्या भरात मालती तान्याला कानाखाली मारते. मात्र तेव्हा पटकन तान्या मागे हटते. घरातील हा ड्रामा पाहून इतर सदस्यांना मोठा धक्का बसतो. मालती चाहर वाइल्ड कार्ड म्हणून घरात आली तेव्हा तान्या मित्तलचा गेम प्लान उघड झाला. तिने तान्याचे खोटे उघड केले, ज्यामुळे दोघांमध्ये अनेक भांडणे झाली.

तान्या मित्तल आणि मालती चाहरचा हा व्हिडीओ सोशल मीडियावर तुफान व्हायरल होत आहे. चाहते यावर कमेंट्स करून राग व्यक्त करत आहे. काही लोक तान्या मित्तलच्या वागण्यामुळे मालतीचे समर्थन करत आहेत. तर काही लोक मालती चाहरने तान्या मित्तलच्या थोबाडीत वाजवल्यामुळे तिला ट्रोल करत आहे. आता बिग बॉस पुढे काय निर्णय घेतात हे पाहणे महत्त्वाचे ठरणार आहे. तसेच 'वीकेंड का वार' सलमान खान कोणाची बाजू घेतो, जाणून घेऊयात.