'बिग बॉस 19' च्या घरात फॅमिली वीक सुरू आहे. घरातीस सदस्य आपल्या कुटुंबाला पाहून भावुक झाले. तसेच सर्वजण मजा-मस्ती करताना घरात दिसत आहे. अशनूर कौरचे वडील, कुनिका सदानंदचा मुलगा, अमाल मलिकचा भाऊ अरमान मलिक, फरहाना भट्टची आई बिग बॉसच्या घरात आले. त्यामुळे घरात आनंदाचे वातावरण पाहायला मिळाले.

कुटुंबातील सदस्यांना पाहून गौरव खन्ना देखील बायकोची आतुरतेने वाट पाहत होता. अखेर गौरव खन्नाची बायको आकांक्षा घरात येते. तिला पाहून गौरव खूप भावनिक होतो. तसेच त्यांचा रोमँटिक अंदाज घरात पाहायला मिळाला. आकांक्षाने जाताना गौरवला खेळाबद्दल काही महत्त्वाच्या गोष्टी सांगितल्या. तिने घरातील एका सदस्यापासून गौरवला लांब राहायला सांगितले.

आकांक्षाने गौरवला स्वतःसाठी खेळण्याचा आणि थोडे स्वार्थी राहण्याचा सल्ला दिला. आकांक्षाने गौरवला त्याची स्पर्धात्मक वृत्ती ठेवायला सांगितले. त्याच्या चांगल्या खेळण्याचे कौतुक केले. तसेच गेमवर लक्ष केंद्रित करायला सांगितले. आकांक्षाने अंतिम फेरीत गौरवच्या सर्वात मोठ्या स्पर्धकांबद्दल सांगितले. ती म्हणाली, अमाल मलिक आणि फरहाना भट्ट तुला अंतिम फेरीत टक्कर देऊ शकतात. ते तुझ्याबद्दल पाठीमागे वाईट बोलतात. त्यामुळे तू फरहाना भट्टपासून दूर रहा.

आकांक्षा आणि गौरवचा रोमान्स पाहून अमाल मलिक डोळे बंद करतो. गौरव आणि आकांक्षाची केमिस्ट्री चाहत्यांना नक्कीच खास वाटली. फरहानाच्या आईने आल्यावर प्रथम गौरव खन्नाचे आभार मानले, कारण त्याच्यामुळे फरहानाला दुसरी संधी मिळाली आणि ती गेम दाखवू शकली. आता फॅमिली वीकमध्ये पुढे काय होणार हे पाहणे मनोरंजक ठरणार आहे.