Bigg Boss 19: बिग बॉस १९ मधील स्पर्धक सतत सोशल मीडियावर चर्चेत असतात. अलिकडच्या 'वीकेंड का वार' मध्ये सलमान खानने तान्या मित्तलसह अनेक स्पर्धकांसमोर सत्य उघड केले, यामुळे घरातील सदस्यांचा खेळ बदलला आहे. आता, शोच्या नवीन भागाचा प्रोमो रिलीज झाला आहे. पहिल्या प्रोमोमध्ये, गौरव खन्ना अमाल मलिकच्या चुकीच्या निर्णयांविरुद्ध आवाज उठवताना दिसत आहे. पुढच्या प्रोमोमध्ये, फरहाना भट्ट देखील अमालविरुद्ध बोलताना दिसत आहे.

गौरव खन्नावर अशनूर चिडली

बिग बॉस १९ च्या सोमवारीच्या भागात नॉमिनेशन टास्क करण्यात आला. या टास्कमध्ये, अमाल खन्नाने गौरव खन्नाला नॉमिनेट करण्याचे कारण गौरवला मान्य नव्हते. त्याने अमालला दोन कारणे विचारली, परंतु अमाल त्याला खात्रीशीर उत्तर देऊ शकला नाही. पुढच्या भागात, अशनूर गौरवच्या वागण्यावर चिडली होती. अशनूर म्हणते की गौरवचे शब्द तिच्या डोक्यात जात आहेत आणि ती त्याच्या वागणूकीला समर्थन करत नाही.

अमाल आणि फरहानाचा भांडण

दुसऱ्या प्रोमोमध्ये, अमाल आणि फरहाना भांडी धुण्यावरून भांडताना दिसतात. फरहाना तिचे कर्तव्य करायला विसरली आणि अमालने तिचं काम करायला सुरुवात केली. त्यानंतर फरहान म्हणाली की तिने उगाचं काम करु नये. त्यानंतर अमाल म्हणाला की तो आदराने बोलत आहे कारण तो एक मित्र आहे. घरातील इतर स्पर्धक त्यांच्या भांडणात मध्यस्थी करताना दिसले.

सलमान खानचा सल्ला

अलीकडेच, सलमान खानने फरहानाला योग्य मित्र निवडण्याचा सल्ला दिला. सलमानच्या सल्ल्यापासून, फरहानाला अमाल आणि त्याच्या गटाशी वाद घालताना दिसत आहे. तसेच ती शाहबाजशी भांडताना दिसली.