'बिग बॉस 18' चा (Bigg Boss 18) आता चौथा आठवडा सुरू आहे. चार आठवडे घरातील सदस्यांनी प्रेक्षकांचे मनोरंजन केले आहे. बिग बॉस सुरू झाल्यापासून रोज घरात एक नवीन राडा पाहायला मिळत आहे. नुकतीच घरात चौथा आठवड्याची नॉमिनेशन प्रक्रिया पार पडली आहे. या आठवड्यात प्रत्येक सदस्याला घरातील इतर दोन सदस्यांना नॉमिनेट करायचं होतं.

'बिग बॉस 18' मध्ये कोणताही गेम ट्विस्ट शिवाय अशक्य आहे. त्यामुळे यामध्येही मोठा ट्विस्ट बिग बॉसने आणला आहे. ज्या सदस्याला नॉमिनेट केले जात होते. त्या सदस्याला करंटचा झटका दिला गेला. नॉमिनेशन प्रक्रियेत चूक केल्यामुळे चुम दरांगने चूक केल्यामुळे तिची इतर सदस्यांना नॉमिनेट करण्याची संधी गेली. प्रत्येकजण कन्सेशन रूममध्ये जाऊन घरातील दोन सदस्यांना नॉमिनेट करतो. मात्र चुम दरांगने घरातील सदस्याला नॉमिनेट करण्याअगोदर त्याची माफी मागितली. मात्र हेच बिग बॉसला पटले नाही आणि त्यांनी चुम दरांगाकडून नॉमिनेशनचा अधिकार काढून घेतला. त्यावर चुम दरांगने बिग बॉसची माफी देखील मागितली नाही.

बिग बॉसच्या चौथ्या आठवड्यात ईशा सिंह, श्रुतिका अर्जुन, शिल्पा शिरोडकर, ॲलिस कौशिक, अरफीन खान, शहजादा आणि अविनाश मिश्रा या सात सदस्य नॉमिनेट करण्यात आले आहे. या आठवड्यात बिग बॉसच्या घरातून कोण बाहेर जाणार हे पाहणे मनोरंजक ठरणार आहे. या 'वीकेंड का वार' ला सलमान खान कोणाची शाळा घेणार हे पाहणे मनोरंजक ठरणार आहे.