टेलिव्हिजन क्षेत्रातील प्रसिद्ध रिॲलिटी शो 'बिग बॉस १७' (Bigg Boss 17) पहिल्याच दिवसापासून जोरदार चर्चेत आहे. या शोमध्ये अभिनेत्री अंकिता लोखंडे आणि तिचा पती बिझनेसमन विकी जैनने एकत्रित एन्ट्री केली.
अनेकदा त्यांच्यामध्ये आपण वाद होताना पाहिलेले आहे. नुकतंच अंकिता आणि विकीने एकमेकांवर गेम खराब केल्याचा आरोप केला आहे. या शोमध्ये कोणाचे सुत जुळत आहे तर कोणाचे नाते धोक्यात येताना दिसत आहे. अंकिता आणि विकीचा वाद थेट घटस्फोटापर्यंतच गेला आहे. नुकत्याच झालेल्या वादामध्ये विकीने भांडणामध्ये अंकिता हात उचलला आहे.
लेटेस्ट एपिसोडचा प्रोमो 'बिग बॉस तक' च्या एक्स (ट्वीटर) अकाऊंटवरुन प्रोमो शेअर केला आहे. शेअर केलेल्या ह्या प्रोमोमध्ये, अभिषेक आणि विकीमध्ये काही कारणास्तव वाद होताना दिसत आहे. आणि विकीच्या शेजारी बेडवर बसलेली अंकिता त्यांच्या बोलण्यावर प्रतिक्रिया देताना दिसत आहे. अंकितामुळे अभिषेकला आणि विकीला बोलता येत नाही. त्या दोघांमध्येही अंकिता बोलत असल्यामुळे तिच्यावर विकीने हात उगरला. काहीही विचार नं करता त्याने थेट हात उगरल्यामुळे त्याला ट्रोलिंगचा सामना करावा लागत आहे.
विकीचे हे कृत्य पाहून अंकितालाच नाही तर सर्वांनाच शॉक बसला आहे. तिच्यावर हात उगारल्यानंतर लगेचच तिथून विकी उठून निघून जातो. त्यानंतर, अभिषेकला दुसऱ्या बाजूला यायला सांगतो. विकीचे हे कृत्य पाहून 'अरे देवा, हे काय बघायला मिळालं...' अशी प्रतिक्रिया अरुण देतो. सध्या हा प्रोमो एक्स (ट्वीटर)वर जोरदार व्हायरल होताना दिसत आहे. व्हिडीओवर नेटिझन्सने कमेंट करत विकी जैनच्या या कृत्यावरुन त्याला नेटकरी प्रचंड ट्रोल करीत आहेत.
बिग बॉसच्या घरात विकी आणि अंकिता यांच्यात अनेकदा भांडणे होताना आपण पाहिले आहे. दोघंही बिग बॉसच्या घरामध्ये व्यवस्थित राहावे आणि त्यांचं नातं टिकावं यासाठी दोघांच्या आई सुद्धा आल्या होत्या. त्यानंतर दोघांनी भांडण न करण्याचा निर्णयही घेतला होता. सध्या सोशल मीडियावर अंकिताचा विकी जैनचा घटस्फोट झाल्याची चर्चा होत आहे. (Entertainment News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.