Atif Aslam Concert:

पाकिस्तानी गायक आतिफ अस्लम (Atif Aslam) सध्या चर्चेत आला आहे. आतिफ अस्लमने आपल्या मधूर आवाजाने चाहत्यांना वेड लावलं आहे. जगभरात त्यांचे कॉन्सर्ट (Atif Aslam Concert) होत असतात. ज्यामध्ये त्याचे लाखो चाहते हजेरी लावतात. नुकताच अमेरिकेमध्ये आतिफ अस्लमचे लाईव्ह कॉन्सर्ट पार पडले. या कॉन्सर्टमध्ये घडलेल्या एका प्रकारामुळे आतिफ अस्लम चर्चेत आला आहे.

लाईव्ह कॉन्सर्टमध्ये आनंद घेण्यासाठी अनेक जण जातात. तर काही लोकं गायकासोबत गैरवर्तन करतात. ज्यामुळे इतरांचा मूड खराब होतो. आतापर्यंत आपण लाइव्ह कॉन्सर्टमध्ये गायकांवर पाण्याच्या बॉटल, फोन यासारख्या गोष्टी फेकताना पाहिले आहे. त्यामुळे बऱ्याचदा वाद निर्माण झाले आहे. आता असाच काहीसा प्रकार आतिफ अस्लमसोबत घडला आहे. लाईव्ह कॉन्सर्ट सुरू असताना एका व्यक्तीने गायकावर नोटा फेकल्या. त्यामुळे संतप्त होत गायकाने परफॉर्मस थांबला. त्यानंतर त्याने चाहत्याला स्टेजवर बोलावून त्याला चांगला धडा शिकवला.

व्हायरल होणाऱ्या व्हिडिओमध्ये आतिफ अस्लम स्टेजवर परफॉर्म करताना दिसत आहे. गाणं गात असताना आतिफवर एक व्यक्ती पैशांचा वर्षाव करू लागते. हे पाहून आतिफ कार्यक्रम परफॉर्मस थांबवण्याचा इशारा देतो. त्यानंतर तो पैसे फेकणाऱ्या चाहत्याला स्टेजवर बोलावून त्याला पैसे उचलण्याची विनंती करतो. त्यानंतर तो त्याला सांगतो की, 'मित्रा, हे पैसे दे पण माझ्यावर टाकू नकोस. हा पैशाचा अपमान आहे. ( साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आतिफ अस्लमचा हा व्हिडीओ सध्या सोशल मीडियावर तुफान व्हायरल होत आहे. हा व्हिडीओ पाहून चाहते त्याचे कौतुक करत आहेत. आतिफच्या या व्हिडीओवर चाहते जोरदार प्रतिक्रिया देत आहेत. एका चाहत्याने लिहिले, 'तू बरोबर आहेस'. तर दुसऱ्याने लिहिले, 'म्हणूनच मला तू खूप आवडतोस.' , पैशाचा योग्य वापर करण्याच्या कल्पनेबद्दल लोक गायकाचे कौतुक करत आहेत.

गेल्या 20 वर्षांपासून आतिफ अस्लम एक व्यावसायिक गायक म्हणून आपल्या गाण्यांनी चाहत्यांचे मनोरंजन करत आहे. आतिफ भारताबरोबरच पाकिस्तानातही खूप लोकप्रिय आहे. आजही रसिकांना त्यांनी गायलेली गाणी ऐकायला आवडतात. 'तेरा होने लगा हूँ', 'जीना-जीना', 'आदत', 'वो लम्'हें ही त्यांची गाणी सुपरहिट ठरली आहेत.