Aryan Khan Lifestyle: शाहरूख खान पुत्र आर्यन खान अंमली पदार्थांप्रकरणी चांगलाच चर्चेत आला होता. अशात आता पुन्हा एकदा सोशल मीडियावर त्याची जोरदार चर्चा सुरु आहे. लवकरच तो बॉलिवूडमध्ये डेब्यू करत आहे. मात्र वडीलांप्रमाणे अभिनय नाही तर दिग्ददर्शक म्हणून त्याचा डेब्यू असणार आहे. अशात या बातमीमधून आर्यनच्या लाईफस्टाईल बद्दल थोडक्यात माहिती जाणून घेऊ. (Latest Marathi News)

आर्यनने नेहमीच आलिशान आयुष्य जगले आहे. त्याला लेटनाईट पार्टी फार आवडतात. त्याच्या इंस्टाग्राम (Instagram) अकाऊंटवर पार्टीचे अनेक फोटो (Photo) पोस्ट केले आहेत. अशाच एका पार्टीत अंमली पदार्थांप्रकरणी त्याला अटक झाली होती.

आर्यनचं शिक्षण किती आहे?

आर्यनच्या शालेय शिक्षणाविषयी बोलायचे झाल्यास त्याने मुंबईतील धीरूभाई अंबानी शाळेतून शालेय शिक्षण पूर्ण केले. त्यानंतर पुढील शिक्षणासाठी तो लंडनला गेला. तिथे त्याने १२ वी उत्तीर्ण केली. साल २०२० मध्ये युनिव्हर्सिटी ऑफ सदर्न कॅलिफोर्निया मधून बॅचलर ऑफ फाइन आर्ट, फिल्म आणि टेलिव्हिजन प्रोडक्शन, सिनेमॅटिक आर्ट्स, स्कूल ऑफ सिनेमॅटिक आर्ट्स या विषयांमध्ये त्याने पदवी संपादन केली आहे.

आर्यनला लेटनाईट पार्टीबरोबर आलिशान कारची देखील आवड आहे. त्याच्याकडे अनेक माहगड्या गाड्या आहेत. यात फरारी, बीएमडब्लू अशा मौल्यवान गाड्या आहेत. शाहरूख प्रमाणेच आर्यनच्या क्यूट लूकवर लाखो मुली फिदा आहेत. चित्रपटसृष्टीतील स्टार किडमध्ये आर्यन अनेकांचा फेवरेट आहे. सोशल मीडियावर तो नेहमीच सर्कीय असतो. नुकतेच तो बॉलिवूडमध्ये पदार्पण करणार असल्याचे समजले आहे. अशात आता चाहते त्याच्या डेब्यू चित्रपटाची आतुरतेने वाट वाहत आहेत.