बॉलिवूडचा 'रॉकस्टार' म्हणजे रणबीर कपूर (Ranbir Kapoor ) आपल्या अभिनयाने प्रेक्षकांच्या मनावर राज्य करतो. त्यांनी अनेक हिट चित्रपट दिले आहेत. रणबीर प्रत्येक चित्रपटात उत्तम अभिनय करतो. त्यांनी अनेक बॉलिवूड अभिनेत्रींसोबत काम केले आहे.

रणबीरचा 'ए दिल है मुश्किल' हा चित्रपट खूप गाजला होता. या चित्रपटाने अनेकांच्या डोळ्यांत पाणी आणले होते. यात रणबीरची भूमिका थोडी वेगळी आणि विशेष होती. या चित्रपटात रणबीर कपूर, अनुष्का शर्मा आणि ऐश्वर्या राय यांनी एकत्र काम केलं आहे. चाहते तर या चित्रपटाच्या गाण्यांच्या प्रेमात आजही आहेत. या चित्रपटात रणबीर-अनुष्काची (Anushka Sharma) मैत्री आणि त्या पलिकडचे प्रेम दाखवले आहे. या चित्रपटात रणबीरच्या भूमिकेच नाव अयान तर अनुष्काच्या भूमिकेच नाव अलीजेह होते. या चित्रपटाने बॉक्स ऑफिसवर देखील आपली जादू दाखवली होती.

'ए दिल है मुश्किल' हा चित्रपट भावनिक जरी असला तरी त्याचे शूटिंग करताना अनेक कॉमेडी किस्से झाले आहेत. या चित्रपटात एका सीनमध्ये बॉलिवूड अभिनेत्री अनुष्का शर्मा हीने रणबीरच्या थोबाडीत मारलेली पाहायला मिळते. या पाहायला जरी चांगला वाटला असाला तरी या सीनमुळे रणबीर खूप संतापला होता.

अयान त्याची मैत्रीण लिसा हेडन आणि अलिझेहचा प्रियकर इम्रान अब्बासला टॉयलेटमध्ये एकत्र पाहतो . त्यावेळी अलिझेह अयानला भानावर आणण्यासाठी त्यांच्या थोबाडीत मारते. असा हा चित्रपटातील सीन आहे. हा सीन नीट शूट होण्यासाठी अनुष्काने तब्बल तीन वेळा रणबीरच्या थोबाडीत मारते. ज्यामुळे तो प्रचंड संतापतो. एका व्हिडिओ रणबीर-अनुष्काचं भांडण व्हायरल झालं होत. यात अनुष्काने रणबीर थोबाडीत मारल्यावर रणबीर आणि अनुष्कात भांडण होत. रणबीर अनुष्काला म्हणतो की, "हा विनोद नाही आहे", त्यावर अनुष्काला रागात बोलते की, "मी हे जाणूनबुजून करत आहे का?"यावर रणबीर अनुष्काला जोरात मारू नका असे बोलतो आणि अनुष्का देखील त्याची माफी मागते. अनुष्काला आणि रणबीर आता दोघही आपल्या करिअरमध्ये प्रगती करत आहेत. तसेच दोघांचीही छान क्युट फॅमिली आहे.