Celebrity Masterchef:  सेलिब्रिटी मास्टरशेफच्या नवीनतम भागात एक रोमांचक पाककृती बनवण्याची स्पर्धा झाली, जिथे स्पर्धकांना भारतीय सणापासून प्रेरित एक पदार्थ तयार करण्याचे आव्हान देण्यात आले. उत्कृष्ट पदार्थांपैकी, गौरव खन्ना आणि उषा नाडकर्णी यांनी त्यांच्या होळी आणि गणपती थीमवर आधारित पदार्थ बनवले आणि परीक्षक रणवीर ब्रार, विकास खन्ना आणि फराह खान यांच्याकडून प्रचंड प्रशंसा मिळवली.

'अनुपमा' फेम गौरवने होळीवरील त्याचे प्रेम एका चविष्ट पदार्थाद्वारे दाखवले. या त्याच्या पदार्थासाठी त्याचे खूप कौतूक झाले. त्याच्या प्रेरणेबद्दल बोलताना तो म्हणाला, "होळी हा माझा आवडता सण आहे आणि मला त्या प्लेटमध्ये अनेक रंग दाखवायचे होते. मी फुलपाखराच्या आकाराचा एक टाईल जोडला, ज्यामुळे मला माझ्या शाळेच्या दिवसांची आठवण झाली जेव्हा मी वर्षाच्या या वेळी अनेकदा फुलपाखरे पाहायचो."

त्याच्या आकर्षक डिशने लगेचच परीक्षकांचे लक्ष वेधून घेतले. रणवीर ब्रार विशेषतः प्रभावित झाला आणि म्हणाला, "आज तुमची प्लेट तुमच्यापेक्षा जास्त बोलत आहे. या प्लेटमध्ये होळीशी संबंधित सर्व प्रकार आहेत. या डिशमुळे तू सणाचा आनंद वाढवलास."

या कार्यक्रमातील मुख्य आकर्षण म्हणजे गौरवच्या प्रयत्नांनी प्रभावित झालेली फराह खानने त्याला बोलावले आणि त्याच्या हातांचे चुंबन घेतले आणि त्याची डिश विनर आहे असे म्हटले. गौरवसाठी हा एक आनंदाचा क्षण होता, कारण त्याची क्रिएटिव्हीटी परीक्षकांना मनापासून आवडली.

ज्येष्ठ अभिनेत्री उषा नाडकर्णी यांनीही गणपतीचा उत्सव साजरा करताना एक उत्तम डिश सादर केली. या पदार्थाची चवी आणि सादरीकरणामुळे तिला फारचा फायदा झाला यामुळे आऊंना गौरवसोबत पहिल्या दोनमध्ये स्थान मिळाले.