साऊथ अभिनेता अल्लू अर्जुन सध्या 'पुष्पा 2' चित्रपटाच्या रिलीज दरम्यान घडलेल्या घटनेमुळे चांगलाच चर्चेत आहे. त्याला काल(13 डिसेंबर) पोलीसांनी अटक केली होती. मात्र आता अल्लू अर्जुनला चार आठवड्यांसाठी जामीन मंजूर झाला आहे.

अल्लू अर्जुनला कनिष्ठ न्यायालयाने 14 दिवसांची कोठडी सुनावली होती. मात्र रात्री त्याला जामीन मंजूर करण्यात आला. हायकोर्टाकडून हा जामीन मंजूर झाला आहे. अल्लू अर्जुनला ताब्यात घेतल्यामुळे तेलंगणा पोलिसांवर अनेक प्रश्न उपस्थित केले गे. अभिनेत्याला नाश्ता आणि कपडे बदलू दिले नसल्याचा आरोप पोलिसांवर करण्यात आला. तसेच पोलिस त्याच्या बेडरूममध्ये घुसले होते, असेही बोले गेले.

पोलीसांची प्रतिक्रिया

अल्लू अर्जुनच्या (Allu Arjun ) या प्रकरणात आता पोलिसांनी मोठा खुलासा केला आहे. पोलिसांनी अभिनेता अल्लू अर्जुनसोबत गैरवर्तन केल्याचा आरोप फेटाळून लावला. हैदराबाद पोलिसांनी सांगितले की, "जेव्हा पोलिस त्याच्या निवासस्थानी पोहोचले तेव्हा त्याने कपडे बदलण्यासाठी थोडा वेळ मागितला. तो त्याच्या बेडरूममध्ये गेला, पोलिस बाहेर थांबले आणि जेव्हा तो बाहेर आला तेव्हा त्यांनी त्याला ताब्यात घेतले."

पुढे पोलीस म्हणाले की, "अल्लू अर्जुनसाठी कोणत्याही पोलिसांनी बळाचा वापर केला नाही किंवा त्याच्याशी गैरवर्तन केले नाही. तसेच त्याला कुटुंबाशी आणि पत्नीशी बोलण्यासाठी पुरेसा वेळ देखील देण्यात आला. तेलंगणा उच्च न्यायालयाने अभिनेत्याला 50,000 रुपयांच्या वैयक्तिक जातमुचलक्यावर अंतरिम जामीन मंजूर केला असून त्याला चार आठवड्यांचा जामीन मंजूर केला आहे."

नेमकं प्रकरण काय?

4 डिसेंबरला हैदराबादच्या संध्या थिएटरमध्ये 'पुष्पा 2' चित्रपट दाखवण्यात आला. तेथे साऊथ अभिनेता अल्लू अर्जुन आला होता. अल्लू अर्जुनला पाहण्यासाठी लोकांनी मोठी गर्दी केली होती. तेथे झालेल्या चेंगराचेंगरीत ३५ वर्षीय महिलेचा मृत्यू झाला आणि तिचा ८ वर्षीय मुलगा गंभीर जखमी झाला. यामुळे अल्लू अर्जुनला अटक करण्यात आली.