मुंबई : अभिनेता रणबीर कपूर आणि आलिया भट्ट लवकरच आई बाबा बनणार आहे. आलियाने आपण आई बनणार असल्याची गोड बातमी 27 जून रोजी सोशल मीडियावर शेअर केली. त्यानंतर सोशल मीडियावर चाहत्यांपासून सेलिब्रिटींपर्यंत अनेकांनी त्यांना शुभेच्छा दिल्या. आलियाच्या पोस्टनंतर अनेकांनी त्यांच्यावर अक्षरश: शुभेच्छांचा पाऊस पाडला. दरम्यान, ड्युरेक्स कंडोम कंपनीने रणबीर-आलियाचे अभिनंदन करणारी एक मनोरंजक पोस्ट शेअर केली आहे. (Alia Bhatt Pregnant Marathi News)

आलिया आणि रणवीरला शुभेच्छा देत, ड्युरेक्स इंडियाने त्यांच्या इन्स्टाग्राम अकाऊंटवरून एक पोस्ट शेअर केली आहे. रणबीरच्या एका सुपरहीट गाण्याच्या ओळी बदलत एक पोस्ट शेअर केली आहे. ‘महफिल में तेरी हम तो क्लिअरली नहीं थे’ अशी भन्नाट पोस्ट शेअर करत त्यांनी आलिया आणि रणबीरला शुभेच्छा दिल्या आहेत.

आलिया आणि रणबीर 14 एप्रिल रोजी लग्न बंधनात अडकले. तरी सुद्धा अजूनही त्यांच्या लग्नाच्या चर्चा या सुरुच आहेत. त्यांच्या लग्नाला दोन महिने पूर्ण झाले आहेत. सोमवारी (14 एप्रिल) आलियाने एक पोस्ट शेअर करत आपल्या चाहत्यांना गुड न्यूज दिली.

'आमचं बाळ लवकरच येत आहे', असे कॅप्शन दिले. आलियानं शेअर केलेल्या फोटोला अनेकांनी कमेंट्स करुन शुभेच्छा दिल्या आहेत. आलिया-रणबीरच्या चाहत्यांसाठी ही सर्वात आनंदाची बातमी ठरली आहे.