Akshaya-Hardik Wedding News: 'तुझ्यात जीव रंगला' मालिकेतील राणादा आणि पाठक बाई म्हणजेच हार्दिक जोशी आणि अक्षया देवधर नुकतेच विवाहबंधनात अडकले आहेत. त्यांच्या विवाह सोहळा पुण्यात मोठ्या राजेशाही थाटात पार पडला आहे. दोघांच्या लग्नातील फोटो आणि व्हिडिओ सोशल मीडियावर प्रचंड व्हायरल होत आहते. या सगळ्या फोटो आणि व्हिडिओमध्ये अक्षया देवधर म्हणजे पाठक बाईंनी घेतलेल्या उखाण्याच्या व्हिडिओची चांगलीच चर्चा होत आहे.

अक्षया देवधरचा भन्नाट उखाणा

खरंतर उखाणा असतो दोन ओळींचा फक्त,

पण संधी चालुन आली आहे तर होईन म्हणते व्यक्त.

कामासाठी घर सोडून धरली वेगळी वाट,

प्रेमात पडले कोल्हापूरच्या पाहून शाही थाट.

मग राणाजी राणाजी म्हणत दिवस गेले सरुन,

राणा सारख्या खऱ्या माणसाचा ठेवला हात धरुन.

तुझ्यात जीव रंगता रंगता वेळ आली निघायची,

कुठे तरी एक खात्री होती पुन्हा एकत्र भेटण्याची.

दोघांनी मिळून निर्णय घेतला आयुष्यभराच्या साथीचा,

अक्षयतृतीया मुहूर्त ठरला आमच्या साखरपुड्याचा.

उखाणं घेते म्हणत म्हणत कहाणी झाली सांगून,

आता घेते उखाणा ऐका कान देऊन.

उखाण्यासाठी विचार करुन शक्कल लढवलीये अशी,

माझंही नाव घेते तेवढ्यात अक्षया हार्दिक जोशी....

अक्षयाने घेतलेला हा उखाणा तिची मैत्रीण ऋचा आपटे हिने लिहिला होता. या उखाण्यात अक्षयने तिचे सुद्धा नाव घेतले आहे. तिच्या हा उखाण्याचे उपस्थितांनी कौतुक केले आहे. सगळ्यांनी जोरदार टाळ्या वाजून तिच्या या उखाण्याला पसंती दर्शवली आहे.

लग्नाच्या दिवशी हार्दिक जोशी आणि अक्षया देवधर पारंपरिक पेहरावात दिसत आहेत. अक्षयाने नऊवारी साडी नेसली आहे. तसेच हातात हिरवा चुडा आणि तिच्या लूकला शोभेल असे पारंपरिक दागिने घातले होते. हार्दिक सदरा आणि धोतर असा पेहराव केला होता. तसेच गळ्यात रुद्राक्षाची माळ घातली होती. दोघांनीही पारंपरिक पद्धतीच्या मुंडावळ्या बांधल्या होत्या. हार्दीक-अक्षयच्या चाहत्यांना त्यांच्या लूक खूपच आवडला आहे. (Wedding)

अक्षय आणि हार्दिक दिल्या काही दिवसांपासून त्यांच्या लग्नाधीच्या समारंभाचे फोटो आणि व्हिडिओ शेअर करत आहेत. अगदी केळवण, मेहंदी, लग्न अशा विविध कार्यक्रमाचे फोटो दोघांनीही शेअर केले आहेत. तसेच त्यांनी यादरम्याचे काही भाविनक क्षण देखील त्यांच्या चाहत्यांसोबत शेअर केले आहेत. त्यांच्या या लग्नसोहळ्याला चाहते भरपूर पसंती दर्शवत आहेत. (Celebrity)