मुंबई - राज्यात आता शाळा, प्रार्थनास्थळांपाठोपाठ चित्रपटगृह आणि नाट्यगृहे सुरू करण्याचा निर्णय ठाकरे सरकारने State Government घेतला आहे. राज्यातील चित्रपटगृह, नाट्यगृह २२ ऑक्टोबरपासून October सुरू करण्यात येणार आहेत. त्यामुळे, आता लवकरच अनेक चित्रपटांच्या प्रदर्शनाच्या तारखा देखील जाहीर होणार असल्याचे दिसून येते. कारण चित्रपटगृह सुरु होणार अशी घोषणा होताच रोहित शेट्टी Rohit Shetty आणि अक्षय कुमारसह Akshay Kumar तगडी स्टारकास्ट असलेला सूर्यवंशी Sooryavanshi चित्रपट सिनेमागृहात प्रदर्शित होणार असल्याची घोषणा करण्यात आली आहे.

हे देखील पहा -

कोरोना आणि लाॅकडाऊनमुळे अडकलेला हा चित्रपट आतादिवाळीत प्रदर्शित होणार आहे. कालचं राज्य सरकारने येत्या २२ ऑक्टोबरपासून सिनेमागृह आणि नाट्यगृह उघडण्याचे निर्णय घेतला आणि त्यानंतर निर्माता रोहित शेट्टी यांनी सुर्यवंशी चित्रपट दिवाळीमध्ये प्रदर्शित होणार असल्याची घोषणा केली. अक्षय कुमार यांनी ट्विट करुन सूर्यवंशी हा चित्रपट दिवाळीत प्रदर्शित होणार असल्याचे सांगितले.

‘सूर्यवंशी’ चित्रपटाच्या ट्रेलरला प्रेक्षकांचा चांगला प्रतिसाद मिळाला होता. या चित्रपटाचे दिग्दर्शन रोहित शेट्टीने केले आहे. चित्रपटात अक्षय एका पोलिसाच्या भूमिकेत दिसणार आहे. यापूर्वी हा चित्रपट 30 एप्रिलला प्रदर्शित होणार होता. त्यानंतर, 15 ऑगस्टच्या तारखेचीही चर्चा झाली. पण कोरोनामुळे उद्भवलेल्या परिस्थितीमुळे चित्रपटाच्या प्रदर्शनाची तारीख पुढे ढकलण्यात आली होती आता मात्र हा चित्रपट दिवाळीमध्ये प्रदर्शित होणार असल्याची घोषणा करण्यात आली.

Edited By - Shivani Tichkule