27 ऑक्टोबरपासून स्टार प्रवाह वाहिनीवर मोठे बदल होणार आहे. नवीन मालिका प्रेक्षकांचे मनोरंजन करणार आहे. तर जुन्या मालिकांची वेळ बदलण्यात येणार आहे. याची माहिती स्टार प्रवाह वाहिनीने सोशल मीडियावर पोस्ट करून चाहत्यांना दिली आहे. सप्टेंबर महिन्यात नवीन हॉरर मालिकेची घोषणा करण्यात आली होती. आता मालिकेची रिलीज डेट आणि वेळ जाहीर केली आहे.

स्टार प्रवाह वाहिनीवर सुरू होणाऱ्या नवीन हॉरर मालिकेचे नाव 'काजळमाया' (kajalmaya ) असे आहे. या मालिकेत मराठमोळा अभिनेता अक्षय केळकर ( Akshay Kelkar ) मुख्य भूमिकेत झळकणार आहे. अक्षय केळकर हा 'बिग बॉस 4' चा विजेता (Bigg Boss Marathi Season 4 Winner) राहिला आहे. अक्षयसोबत रुची जाईल आणि वैष्णवी कल्याणकर देखील मुख्य भूमिकेत दिसणार आहेत. ही एक हॉरर मालिका असून यात 300 वर्षांपूर्वीची कहाणी पाहायला मिळणार आहे.

'काजळमाया' तारीख अन् वेळ

अक्षय केळकरची 'काजळमाया' मालिका 27 ऑक्टोबरपासून दररोज रात्री 10:30 वाजता स्टार प्रवाह वाहिनीवर पाहायला मिळणार आहे.

मालिकांची वेळ बदलली

27 ऑक्टोबर पासून तुमच्या आवडत्या मालिकांचे वेळ देखील बदलली आहे. 'तू ही रे माझा मितवा' मालिका रात्री 8 वाजता आणि 'कोण होतीस तू, काय झालीस तू!' ही मालिका रात्री 11 वाजता पाहायला मिळणार आहे.

सध्या अनेक मालिकांमध्ये दिवाळीची लगबग पाहायला मिळत आहे. दिवाळी काही दिवसांवर येऊन ठेपली आहे. प्रवाह वाहिनीवर दिवाळी विशेष कार्यक्रम पाहायला मिळत आहे. आता नवीन सुरू होणारी मालिका पाहण्यासाठी चाहते खूपच उत्सुक आहेत.