Mr And Mrs Mahi Release Date: क्रिकेट विश्वात आपल्या दमदार खेळीने क्रिकेटप्रेमींमध्ये एम. एस. धोनीने आपली स्पेशल ओळख निर्माण केली. भारतीय क्रिकेटसंघात सर्वोत्तम कर्णधारांमध्ये एमएस धोनीची नेहमीच गणना होते. धोनीच्या आयुष्यावर प्रकाशझोत टाकणारा ‘एमएस धोनी : द अनटोल्ड स्टोरी’ हा चित्रपट २०१६मध्ये प्रदर्शित झाला होता. धोनी क्रिकेटच्या मैदानावर असताना त्याचा हा पहिला बायोपिक प्रेक्षकांच्या भेटीला आला होता. अशातच धोनीच्या आयुष्यावर आणखी एक चित्रपट प्रेक्षकांच्या भेटीला येणार आहे.

एम. एस. धोनीच्या दुसऱ्या बायोपिकचे नाव‘मिस्टर अ‍ॅन्ड मिसेस माही’ (Mr And Mrs Mahi) असे आहे. या चित्रपटाची गेल्या काही दिवसांपूर्वी घोषणा करण्यात आली होती. आता नुकतंच या चित्रपटाच्या प्रदर्शनाची ही तारीख जाहीर करण्यात आली आहे. ‘मिस्टर अ‍ॅन्ड मिसेस माही’ हा धोनीच्या आयुष्यावर आधारित असलेला दुसरा चित्रपट आहे. यापूर्वी महेंद्र सिंग धोनीच्या आयुष्यावर आधारित असलेला ‘एमएस धोनी : द अनटोल्ड स्टोरी’ हा चित्रपट आला होता. हा चित्रपट प्रेक्षकांना फारच भावला. या चित्रपटामध्ये महेंद्र सिंग धोनीच्या भूमिकेत सुशांत सिंह राजपूत दिसून आला होता. या चित्रपटाने बॉक्स ऑफिसवर एकूण १३३ कोटींची कमाई केली आहे.

धोनीच्या दुसऱ्या चित्रपटाबद्दल बोलायचे तर, ‘मिस्टर अ‍ॅन्ड मिसेस माही’मध्ये राजकुमार राव (Rajkummar Rao) आणि जान्हवी कपूर (Janhvi Kapoor) हे दोन सेलिब्रिटी प्रमुख भूमिकेत दिसणार आहे. ‘रुही’ नंतर राजकुमार आणि जान्हवी कपूर पुन्हा एकदा या चित्रपटाच्या माध्यमातून प्रेक्षकांच्या भेटीला येणार आहे. नोव्हेंबर 2021 मध्ये चित्रपट निर्माता आणि दिग्दर्शक करण जोहरने (Karan Johar) ‘मिस्टर अ‍ॅन्ड मिसेस माही’ची घोषणा केली होती. २०२२ मध्ये या चित्रपटाचं चित्रिकरण पूर्ण झालं असून आता हा चित्रपट पुढील वर्षी १५ मार्च २०२४ रोजी प्रेक्षकांच्या भेटीला येणार आहे.

या चित्रपटाचे दिग्दर्शन ‘गुंजन सक्सेना : द कारगिल गर्ल’चे दिग्दर्शन शरण शर्मा यांनी केले आहे. चित्रपटाची निर्मिती करण जोहरच्या बॅनरखाली या चित्रपटाची निर्मिती करण्यात आली आहे. हा चित्रपट पुढच्या वर्षी प्रेक्षकांच्या भेटीला येणार आहे. थोडक्यात चित्रपटाचे सांगायचे तर, राजकुमार राव महेंद्र सिंग धोनीच्या भूमिकेत तर, जान्हवी कपूर माहीच्या भूमिकेत दिसणार आहे. दरम्यान , चित्रपटात या दोघांचीही क्यूट लव्हस्टोरी प्रेक्षकांना पाहायला मिळणार असून शूटिंग दरम्यानचे अनेक फोटो व्हिडीओ सोशल मीडियावर तुफान व्हायरल झाले आहेत.