Shreya Ghoshal: अरिजित सिंगने अवघ्या काही दिवसांपूर्वीच प्लेबॅक सिंगिंगमधून रिटायरमेंट जाहीर केली. अरिजितची ही रिटायरमेंट केवळ त्याच्या चाहत्यांसाठीच नव्हे, तर अनेक कलाकारांसाठी एक मोठा धक्का होता. आता श्रेया घोषालनेही एक असेच विधान केले आहे. यामुळे तिच्या चाहत्यांच्या मनात नक्कीच भिती निर्माण झाली आहे.

श्रेयाला 'लिप-सिंकिंग' आवडत नाही

'एबीपी न्यूज'शी बोलताना श्रेयाने सांगितले की, प्रत्यक्ष मंचावर सादरीकरण करणे हा खरोखरच एक उत्तम अनुभव असतो. याउलट, मंचावर असताना 'लिप-सिंकिंग' (केवळ ओठ हलवून गाण्याचा अभिनय करणे) करणे मला कधीही जमणार नाही आणि मला कधीचं आवडत नाही.

त्या दिवशी मी गाणे सोडून देईन...

ती पुढे म्हणाली, "मला 'लिप-सिंकिंग' अत्यंत चुकीचे वाटते. ज्या दिवशी मला 'लिप-सिंकिंग' करण्यास भाग पाडले जाईल, त्याच दिवशी मी गाणे सोडून देईन." तिने पुढे सांगितले की, जोपर्यंत तिला तिच्या आवाजाची साथ आहे, तोपर्यंत ती आपल्या गायनाची रियाज सुरूच ठेवेल. पण तोपर्यंत प्रेक्षकांसाठी नेहमीच लाईव्ह परफॉर्मन्स करत राहिनं असे ती म्हणाली.

अरिजीतच्या निर्णयाचा आदर आहे

अरिजीतबद्दल पुढे बोलताना श्रेया म्हणाली, "तो मनापासून एक सच्चा संगीतकार आहे. संगीतापासून आपल्याला काय मिळेल, याचा विचार तो कधीच करत नाही; त्याला ज्या गोष्टींत आनंद मिळतो तो तेच करतो. त्याच्यासाठी संगीत सर्वाच श्रेष्ठ आहे. मी त्याच्या निर्णयाचा आदर करते. मी सुद्धा कधीकधी कामातून थोडा ब्रेक घेण्याचा विचार करते. त्याने हा निर्णय अत्यंत धैर्याने घेतला आहे."