Actress Accident: दिवाळीच्या सणात अभिनेत्री यामिनी मल्होत्रासोबत एक धक्कादायक घटना घडली आहे. तिच्या कारवर अचानक रॉकेट फटाका पडल्याने गाडीला नुकसान झाले, मात्र या अपघातात तिचा जीव सुरक्षित राहिला. या घटनेमुळे सोशल मीडियावर दिवाळीतील सुरक्षेबद्दल चर्चा रंगल्या आहेत.

यामिनीने स्वतःच्या इंस्टाग्राम पेजवर व्हिडिओ शेअर करत या घटनेची माहिती दिली. तिनं सांगितले की, चालत्या गाडीवर रॉकेट आला, पण नशीबाने तो काचेतून आत गेला नाही. जर आत घुसला असता, तर तिली गंभीर दुखापत झाली असती. यामिनी म्हणाली, “देवाची कृपा की मी यातून वाचले. कृपया रॉकेट किंवा फटाके फोडताना काळजी घ्या, तुमची छोटीशी मजा जीवघेणी ठरू शकते.”

या अपघातामुळे यामिनीच्या कारच्या बाह्य भागाला नुकसान झाले, पण ती स्वतः सुरक्षित आहे. या घटनेमुळे रॉकेट उडवताना योग्य सुरक्षा असणे किती महत्त्वाचे आहे, हे पुन्हा लोकांच्या लक्षात आले. या घटनेने दिवाळीच्या सणाच्या आनंदातही सुरक्षिततेकडे लक्ष देण्याचे महत्त्व अधोरेखित केले आहे.

यामिनी मल्होत्रा ही टीव्ही आणि मराठी सिनेसृष्टीतील लोकप्रिय अभिनेत्री असून अभिनेत्री असण्याबरोबरच ती डेन्टिस्ट ही आहे. तिचा चाहतांचा वर्ग मोठा असून ती सोशल मीडियावर प्रचंड सक्रिय आहे. तिच्या पोस्ट्स चाहत्यांमध्ये नेहमीच चर्चेचा विषय ठरतात.