Pooja- Siddhesh Sangeet

पूजा सावंत आणि सिद्धेश चव्हाण यांचा साखरपुडा १६ फेब्रुवारीला थाटामाटात पार पडला. आता साखरपुड्यानंतर हे कपल लग्नासाठी तयार झाले आहेत. लग्नाच्या आधीच्या विधींना सुरूवात झालेली आहे. नुकतंच या कपलचा संगीत सोहळा पार पडला. यावेळी दोघांच्याही जवळचे कुटुंबीय, मित्रमंडळी आणि मनोरंजन विश्वातील कलाकारांनी खास उपस्थिती लावली होती. या सोहळ्यातील अनेक फोटो आणि व्हिडीओ सध्या सोशल मीडियावर व्हायरल होत आहे.

यावेळी संगीत सोहळ्याला पुजाने आणि सिद्धेशने एकत्र डान्सही केला होता. दोघांनीही यावेळी ‘साडी का फॉल सा’ गाण्यावर जबरदस्त ठेका धरला होता. दोघांच्याही हूक स्टेप्सने सर्वांचेच लक्ष वेधले. यावेळी सिद्धेशने ब्लॅक कलरचा कोट, पँट आणि व्हाईट शर्ट वेअर करत संगीत कार्यक्रमाला उपस्थिती लावली होती. तर पूजानेही ब्लॅक कलरचा लाँग फुल्ल वेस्टर्न आऊटफिटने सर्वांचेच लक्ष वेधले. सध्या सोशल मीडियावर पूजा आणि सिद्धेशच्या संगीत कार्यक्रमाची जोरदार चर्चा होत आहे.

पूजा- सिद्धेशच्या संगीत सोहळ्याला दिग्दर्शक पुष्कर जोग, प्रार्थना बेहरे आणि तिचा पती अभिषेक जावकर, भूषण प्रधान, वैभव तत्ववादी, अभिजित खांडेकर, सुखदा खांडेकर, आदिनाथ कोठारे, भार्गवी चिरमुले, मेधा मांजरेकर, गौरी इंगवले, अमृता खानविलकरसह अनेक सेलिब्रिटींनी यावेळी संगीतला उपस्थिती लावली होती. संगीत सोहळ्यामध्ये, पूजाची बहिण रुचिरा आणि भाऊ श्रेयसने डान्स करत सर्वांचेच लक्ष वेधले. रुचिराने ‘रुपेरी वाळूत’ गाण्यावर जबरदस्त ठेका धरताना दिसली तर, भाऊ श्रेयसने आणि त्याच्या भावांनी ‘गोड गोजिरी’ गाण्यावर मिश्किल डान्स स्टेप करत सर्वांचे मनोरंजन केले. यावेळी पूजाच्या फॅमिलीमधल्या सदस्यांनीही डान्स केला.

या कपलच्या संगीत सोहळ्याची सध्या जोरदार चर्चा सुरू आहे. पूजा व सिद्धेश आता लवकरच विवाहबंधनात अडकणार आहेत. या कपलच्या लग्नाआधीच्या विधींना आता सुरुवात झालेली आहे. २८ नोव्हेंबरला इन्स्टाग्रामवर बॉयफ्रेंडसोबत फोटो शेअर करत पूजाने आपल्या प्रेमाची कबुली दिली होती. त्यानंतर तिने त्याचं नाव सांगत त्याची चाहत्यांसोबत ओळखही करुन दिली. पूजाने प्रेमाची कबुली दिल्यापासून सोशल मीडियावर तिच्या लग्नाची जोरदार चर्चा होत आहे. सिद्धेश चव्हाण असं त्याचं नाव असून तो मुळचा मुंबईकर आहे. तो कामानिमित्त ऑस्ट्रेलियामध्ये असतो. तो ऑस्ट्रेलियात फायनन्ससंबंधित काम करतो.