Janhvi Kapoor At Venkateswara Swami Temple

बॉलिवूड अभिनेत्री जान्हवी कपूर हिला काही वेगळ्या ओळखीची गरज नाही. कायमच आपल्या स्टायलिश लूकसाठी चर्चेत राहणारी जान्हवी सध्या तिच्या पर्सनल लाईफमुळे बरीच चर्चेत आली आहे. नुकतंच अभिनेत्रीने आंध्र प्रदेशमधील श्री व्यंकटेश्वर स्वामी मंदिरात नतमस्तक होत, नव्या वर्षाची सुरुवात अगदी जोमाने केलेली दिसत आहे. यावेळी तिच्यासोबत शिखर पहाडियासुद्धा होता. (Bollywood)

‘एएनआय’ वृत्तसंस्थेने जान्हवीचा आणि शिखरचा दर्शनाला जातानाचा व्हिडीओ शेअर केला आहे. या व्हिडीओमध्ये जान्हवीने सोनेरी रंगाची साडी तर शिखरने पांढऱ्या रंगाची लुंगी परिधान केली आहे. दोघांचाही हा व्हिडीओ सध्या सोशल मीडियावर चांगलाच व्हायरल होत आहे. नुकतंच अभिनेत्रीने तिच्या इन्स्टाग्राम अकाउंटवर आंध्र प्रदेशमधील तिरुमला येथील श्री व्यंकटेश्वर स्वामी मंदिरात दर्शनाला जाण्यापूर्वी काही फोटोही शेअर केले होते. (Bollywood News)

जान्हवीने शुक्रवारी सोशल मीडियावर पांढऱ्या साडीतील फोटो पोस्ट केलेत. साऊथ इंडियन लूक परिधान करत अभिनेत्रीने तेथील अनेक फोटो शेअर केले. हे फोटो शेअर करताना 'आता खऱ्या अर्थाने २०२४ची सुरुवात झाल्यासारखं वाटतंय.' असं कॅप्शन दिलं आहे.

नुकतंच अभिनेत्री जान्हवी कपूर आणि तिची बहीण खुशी कपूरसोबत करण जोहरच्या ‘कॉफी विथ करण ८’च्या नुकत्याच नव्या एपिसोडमध्ये हजेरी लावली होती. यावेळी तिने त्याच्यासोबतच्या नात्याबद्दल पुन्हा एकदा चाहत्यांना हिंट दिली आहे.

तेव्हापासून सोशल मीडियावर त्यांच्या रिलेशनची पुन्हा एकदा जोरदार चर्चा होत आहे. शिखर पहाडिया महाराष्ट्राचे माजी मुख्यमंत्री सुशील कुमार शिंदे यांचा नातू आहे. दरम्यान, यापूर्वी शिखर- जान्हवी एकत्र उज्जैनच्या महाकालच्या दर्शनाला एकत्र गेले होते. (Entertainment News)