Actress Trolled: दिग्गज गायिका आशा भोसले यांच्या निधनानंतर संपूर्ण बॉलिवूड विश्वावर शोककळा पसरली आहे. शाहरुख खानपासून ते सोनू निगमपर्यंत, अनेक सेलिब्रिटींनी 'आशाताई' यांना श्रद्धांजली अर्पण केली आहे. मात्र, या सर्व श्रद्धांजलींच्या गर्दीत, अभिनेत्री अथिया शेट्टीची इन्स्टाग्राम स्टोरी सर्वाधिक व्हायरल झाली आहे.

घडले असे की, सुनील शेट्टीची मुलगी अथियाने आशाताईंना श्रद्धांजली वाहण्यासाठी एक इन्स्टा स्टोरी शेअर केली होती. परंतु, अनावधानाने तिने आशाजींच्या ऐवजी लतादीदींचा फोटो पोस्ट केला.

चाहत्यांनी अथियाची चूक हेरली

साहजिकच, इतकी मोठी चूक चाहत्यांच्या नजरेतून सुटणे कठीणच होते. नेटकऱ्यांनी तिच्यावर जोरदार टीका करण्यास सुरुवात केली आणि तिला आठवण करून दिली की, लातादीदींचे निधन ६ फेब्रुवारी २०२२ रोजी झाले होते. त्यानंतर काही वेळातच, अथियाला आपली चूक उमजली आणि तिने ती पोस्ट डिलीट केली. मात्र, तोपर्यंत सोशल मीडिया नेटकऱ्यांनी ती चूक हेरली होती आणि त्या पोस्टचे स्क्रीनशॉट्स सोशल मीडिया प्लॅटफॉर्म्सवर वेगाने व्हायरल करायला सुरुवात केली.

नेटकऱ्यांनी अभिनेत्रीला ट्रोल केले

अनेक नेटकऱ्यांनी तिच्यावर टीका करताना हा प्रश्न उपस्थित केला की, वडील सुनील शेट्टींच्या एका चांगल्या बॉलिवूड कुटुंबातील व्यक्तीकडून इतकी मोठी चूक कशी होऊ शकते? एका नेटकऱ्याने कमेंट केली हे लज्जास्पद" आहे. तर एकाने तीला "सौंदर्य आहे, पण बुद्धी नाही" असा टोमणा मारला.

'X' (पूर्वीचे ट्विटर) वरील एका नेटकऱ्याने लिहिले, "अथियाने दिवंगत आशा भोसले यांच्याऐवजी दिवंगत लता मंगेशकर यांचा फोटो असलेली स्टोरी पोस्ट केली. 'नेपो किड्स' (Nepo kids) कोणत्याही मार्गाने कोणतीही मेहनत न घेता प्रसिद्धी मिळाल्याचे हे परिणाम आहेत. दुसऱ्या एका नेटकऱ्याने कमेंट केली, "खरोखरच निराशाजनक आहे."