Actor Death: प्रसिद्ध अभिनेत्याचं अपघातात निधन; वयाच्या ४० व्या वर्षी घेतला अखेरचा श्वास

Actor Death: काल दुपारी आलेल्या दुःखद बातमीने संपूर्ण मनोरंजन विश्वाला मोठा धक्का बसला आहे. भारतीय चित्रपटसृष्टीतील सुरसम्रज्ञी आशा भोसले यांचे निधन झाले. त्यांनी वयाच्या ९२ व्या वर्षी अखेरचा श्वास घेतला. त्यांच्या पार्थिवावर आज शिवाजी पार्कात शासकीय इतमामात अंत्यसंस्कार करण्यात येणार आहे. या बातमीसह आणखी एक दु:खद बातमी समोर आली आहे.

दक्षिण भारतीय चित्रपटसृष्टीतील केजीएफ फेम प्रसिद्ध कन्नड अभिनेता हरीश याचे एका भीषण अपघातात निधन झाले आहे. वयाच्या ४० व्या वर्षी अभिनेत्याने घेतला अखेरचा श्वास या घटनेमुळे संपूर्ण कन्नड चित्रपटसृष्टीवर शोककळा पसरली असून, चाहत्यांमध्ये हळहळ व्यक्त केले जात आहे.

मिळालेल्या माहितीनुसार, हा अपघात कर्नाटकातील कोडागु जिल्ह्यातील कुशालनगर तालुक्यात घडला. ४० वर्षीय हरीश हा रात्री उशिरा आपलं काम संपवून कुशालनगरहून होसाकोटे येथील आपल्या घरी परतत होते. याच दरम्यान, राष्ट्रीय महामार्ग २७५ वर एका वनक्षेत्राजवळ त्याच्या कारने रस्त्याच्या कडेला उभ्या असलेल्या टँकरला जोरदार धडक दिली.

ही धडक इतकी भीषण होती की, कारचे मोठ्या प्रमाणात नुकसान झाले. अपघातात हरीशला गंभीर दुखापती झाल्या आणि त्याचा जागीच मृत्यू झाला. या घटनेची माहिती मिळताच पोलिसांनी तात्काळ घटनास्थळी धाव घेतली आणि पंचनामा करून मृतदेह ताब्यात घेतला. या अपघाताबाबत पोलिसांनी गुन्हा दाखल केला असून, कार टँकरला नेमकी कशी धडकली याचा सखोल तपास सुरू आहे.

हरीश हा कन्नड चित्रपटसृष्टीतील एक प्रसिद्ध नाव होते. त्यांनी अनेक लोकप्रिय चित्रपट आणि टीव्ही मालिकांमध्ये काम केले होते. विशेषतः खलनायक भूमिका साकारण्यात त्याची खास शैली होती. यामुळे त्याने प्रेक्षकांच्या मनात वेगळी ओळख निर्माण केली होती. त्याच्या अभिनयाचे सर्वत्र कौतुक होत असे. त्याच्या या अकाली निधनामुळे चित्रपटसृष्टीसह चाहत्यांना मोठा धक्का बसला आहे. सोशल मीडियावर अनेक कलाकार आणि चाहत्यांकडून हरिशला श्रद्धांजली वाहण्यात येत आहे.