मुंबई : लाखो लोकांच्या मनावर अधिराज्य करणारा अभिनेता सलमान खान (Salman Khan) याला 25 डिसेंबरच्या मध्यरात्री साप चावला (Snake Bit). त्यानंतर संपूर्ण मनोरंजन सृष्टीत खळबळ माजली. मात्र, सुदैवाने साप तितका विषारी नसल्याने सलमान लवकर बरा झाला. त्यानंतर आज त्याने स्वत: त्या रात्री काय घडले हे सांगितलं आहे. (Actor Salman Khan Told About The Snake Bit Incident)

सलमानने माध्यमांना सर्पदंश कसा झाला, त्या रात्री नेमकं काय घडलं याबाबतची माहिती दिलीये. "माझ्या फार्महाऊसमध्ये साप घुसला होता, मी काठीने त्याला बाहेर काढले. पण तो माझ्या हातावर आला. मग मी त्याच्यापोसून सुटका होण्यासाठी त्याला पकडले, तेव्हा त्याने मला तीनदा चावा घेतला. तो विषारी साप होता. मला 6 तास रुग्णालयात ठेवण्यात आले. पण, मी आता ठीक आहे", असं सलमान खानने (Salman Khan) सांगितलं.

वाढदिवसापूर्वी समलानसोबत दुर्घटना

आज सलमान खानचा 56 वा वाढदिवस आहे. 25 डिसेंबरला सलमान खान आपल्या पनवेलच्या फार्म हाऊसमध्ये होता. मध्यरात्री त्याला सर्पदंश झाला. परंतु, बिनविषारी सापाने चावा घेतल्याने सलमान खानला रुग्णालयातून 6 तासांनंतर सोडण्यात आलं. सलमानला मध्यरात्री 3 वाजेच्या सुमारास कामोठे येथील एमजीएम रुग्णालयात दाखल करण्यात आले होते. आता अशा परिस्थितीत तो त्याचा वाढदिवस साजरा करणार आहे की नाही हे पाहावं लागणार आहे.

हेही वाचा -

Edited By - Nupur Uppal