Devdatta Nage Had Accident: अभिनेता देवदत्त नागे 'जय मल्हार' या मालिकेमुळे खूप प्रसिद्धी मिळाली. त्याची खंडोबा ही भूमिका प्रेक्षकांनी डोक्यावर घेतली होती. सध्या देवदत्त नागे 'जीव माझा गुंतला' या कार्यक्रमात एक नकारात्मक पात्र साकारत आहे. दरम्यान देवदत्त नागेला मालिकेचे शूटिंगदरम्यान दुखापत झाली आहे. त्यामुळे त्याने मालिकेतेतून ब्रेक घेतला आहे.

कलर्स मराठी वाहिनीवरील मालिका 'जीव माझा गुंतला' या मालिकेतून देवदत्त नागेने पुन्हा टीव्ही मालिकांमध्ये पदार्पण केले आहे. या मालिकेत देवदत्त तुषार देसाई असे नकारात्मक पात्र साकारत आहे. हे पात्र अंतर आणि मल्हार यांच्या आयुष्यात अडथळे निर्माण करण्याचे काम करत आहे. मालिकेतील बिझी शेड्युलमधून देवदत्तने अचानक ब्रेक घेतल्याचे सोशल मीडियावर जाहीर केले आहे. (TV)

देवदत्त नागेने त्याच्या इन्स्टाग्राम स्टोरीवर एक फोटो शेअर केला आहे. त्यात त्याच्या डोळ्याला दुखापत झाल्याचे त्याने सांगितले आहे. देवदत्तच्या डाव्या डोळ्याला दुखापत झाली आहे. त्याच्या फोटो देवदत्तने त्याच्या इन्स्टाग्राम स्टोरीवर शेअर केला आहे. तसेच त्याने त्याला काय झाले हे सुद्धा सांगितले आहे. त्याने त्याला दुखापत झालेल्या जागी बाणाचे चिन्ह दाखवले आहे. देवदत्तने म्हटले आहे, 'प्रार्थनेत शक्ती असते, काही दिवस आराम करणार आहे. जीव माझा गुंतला'चे शूटिंग करता असताना छोटीशी दुखापत झाली. देवाच्या कृपेमुळे डोळा थोडक्यात वाचला.' (Celebrity)

शूटिंगदरम्यान झालेल्या दुखापतीमुळे देवदत्त नागेने काही दिवस आराम करण्यासाठी मालिकेतून ब्रेक घेतला आहे. त्याने शेअर केलेल्या या पोस्टनंतर चाहते त्याच्याविषयी काळजी व्यक्त करत आहेत.

देवदत्त नागे आपल्याला बऱ्याच दिवसांनी मालिकेत काम करताना दिसत आहे. सध्या तो बॉलिवूड चित्रपटांमध्ये काम करताना दिसत आहे. अजय देवगनच्या तानाजी या चित्रपटामध्ये त्याने महत्वाची भूमिका साकारली होती. तसेच आता देवदत्त 'आदिपुरुष' या चित्रपट सुद्धा दिसणार आहे. हा चित्रपट पुढच्या वर्षी प्रदर्शित होणार आहे.