Abir Gulaal  Saam Tv
मनोरंजन बातम्या

Abir Gulaal Release: दिलजीत दोसांझचे नियम फॉलो करतोय फवाद खान; अबीर गुलाल 'या' दिवशी होणार प्रदर्शित

Abir Gulaal Release: पाकिस्तानी अभिनेता फवाद खानला त्याच्या 'अबीर गुलाल' चित्रपटाची रिलीज डेट पुढे ढकलण्यात आल्यामुळे आधीच मोठा धक्का बसला होता. पण, आता लवकरच हा चित्रपट प्रदर्शित होणार आहे.

Shruti Vilas Kadam

Abir Gulaal Release: 'अबीर गुलाल' या चित्रपटावरून बराच वाद झाला होता. यात बॉलिवूड अभिनेत्री वाणी कपूर आणि तिच्यासोबत पाकिस्तानी अभिनेता फवाद खान आहे. एप्रिलमध्ये पहलगाम दहशतवादी हल्ल्यानंतर आणि 'ऑपरेशन सिंदूर'नंतर दोन्ही देशांमधील संबंध तणावपूर्ण बनले. त्यामुळेच भारतीयांना चित्रपटात पाकिस्तानी कलाकारांच्या उपस्थितीने राग आला होता. त्यामुळे चित्रपटाचे प्रदर्शन पुढे ढकलण्यात आले. पण अखेर हा चित्रपट प्रदर्शित होणार आहे.

'बिझ एशिया'च्या वृत्तानुसार, 'अबीर गुलाल' २९ ऑगस्ट रोजी जगभरात प्रदर्शित होत आहे. परंतु भारत आणि पाकिस्तानमधील तणाव आणि देशातील पाकिस्तानी कलाकारांवर बंदी असल्याने हा चित्रपट भारतात प्रदर्शित होणार नाही. यापूर्वी दिलजीत दोसांझच्या 'सरदारजी ३' चित्रपटावरून वाद झाला होता. त्यात पाकिस्तानी अभिनेत्री हानिया आमिर होती. निर्मात्यांनी हा चित्रपट भारतात प्रदर्शित न करता जगभरात प्रदर्शित केला. ही कल्पना वापरुन आता 'अबीर गुलाल' हा चित्रपट जगभर प्रदर्शित होणार आहे.

हा चित्रपट ९ मे रोजी प्रदर्शित होणार होता

'अबीर गुलाल' हा चित्रपट ९ मे २०२५ रोजी भारतात प्रदर्शित होणार होता. पण त्याआधी काश्मीरमधील पहलगाम येथे दहशतवादी हल्ला झाला होता. आणि त्यानंतर भारताने 'ऑपरेशन सिंदूर' केला. त्यानंतर देशात पाकिस्तानी कलाकारांवर बंदी घालण्यात आली. भारतीय चित्रपट संघटनांनी कडक घोषणा केली की जर कोणताही कलाकार शेजारच्या देशातील कलाकारांना चित्रपटात घेतले तर तो चित्रपट भारतात प्रदर्शित होणार नाही.

भारतात प्रदर्शित होणार नाही

या सर्व कारणांमुळे 'अबीर गुलाल' भारतात कधीही प्रदर्शित होणार नाही. परंतु निर्मात्यांनी तो जगभरात प्रदर्शित करण्याचा निर्णय घेतला आहे. या चित्रपटाद्वारे फवाद सुमारे ९ वर्षांनी बॉलिवूडमध्ये पुनरागमन करणार होता. याआधी तो सोनम कपूरसोबत 'खूबसूरत' आणि आलिया भट्टसोबत 'कपूर अँड सन्स' मध्ये दिसला आहे. 'ऐ दिल है मुश्किल' मध्येही त्याची भूमिका होती. म्हणूनच चाहते फवादच्या पुनरागमनाची आतुरतेने वाट पाहत होते, पण पहलगाम हल्ल्याने भावना बदलल्या आणि भारतीयांनी चित्रपटावर बहिष्कार टाकला.

Maharashtra Live News Update: नांदेडमधील महाराष्ट्र विधानमंडळ अंदाज समितीचा दौरा पुढे ढकलला

Kantara Chapter 1 Trailer Out: रहस्यमयी अन् गूढ कहाणी; अंगावर शहारे आणणारा 'कांतारा चॅप्टर 1'चा ट्रेलर पाहिला का?

Tuesday Horoscope : तुमच्या जवळच्या लोकांना प्रगती बघवणार नाही; ५ राशींच्या लोकांना रागावर नियंत्रण ठेवावे लागणार

Gujrat Viral News: पोलिसांच्या व्हॅनवर १० मिनिटे अश्लील चाळे, गर्लफ्रेंड अन् बॉयफ्रेंडचा नको 'तो' प्रकार, Video होतोय व्हायरल

Kalyan APMC Market : कल्याणमध्ये घोटाळ्याचा बाजार; समितीत आजी-माजी संचालकांच्या नातेवाईकांचा भरणा

SCROLL FOR NEXT