- तबरेज शेख

Nashik News :

रेल्वे प्रवासात प्रवाशांची बॅग चाेरणा-यास सीसीटीव्ही फुटेजचा आधार घेत शाेधण्यात नाशिक पाेलीस दलास यश आले आहे. या संशयितास गुन्हे शाखा युनिट- १ च्या पथकाने जेरबंद केल्याची माहिती पाेलीस दलाने दिली. (Maharashtra News)

रेल्वे प्रवासात प्रवाशांची बॅग लिफ्टिंगची घटना 25 नाेव्हेंबरला नाशिक रोड रेल्वे स्थानकावर घडली होती. सीसीटीव्ही फुटेजचा आधारे गुन्हे शोध पथकाने अतिशय शिताफिने नाशिक शहरातून संशयितास मुद्देमालसह ताब्यात घेतले.

पाेलीसांनी दिलेल्या माहितीनूसार 25 नाेव्हेंबरला मेरी अल्वा (रा. मुंबई) या महिला भोपाळ येथुन मुंबई येथे राणी कमलापती रेल्वेने (बोगी नं. ६) जात असतांना पहाटेच्या सुमारास कोणीतरी अज्ञात चोरटयाने त्यांची शोल्डर पर्स व त्यामध्ये १४ तोळे सोन्याचे दागिने व एक रिअल कंपनीचा मोबाईल असा मुद्देमाल चोरीन नेला होता.

नाशिकरोड रेल्वे पोलीस ठाणे येथे गुन्हा दाखल करण्यात आला हाेता. त्यानंतर पाेलीसांनी संशयितांचा तपास सुरु केला. नाशिक पाेलीस दलाच्या गुन्हे शाखा युनिट- १ च्या पथकाने एकास ताब्यात घेतले. या संशयिताकडे अधिक चाैकशी केली असता त्याने गुन्ह्याची कबुली दिली. पाेलीसांनी संशियताकडून मुद्देमाल हस्तगत केला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar