मध्य प्रदेशाच्या छत्रापूर एक धक्कादायक घटना समोर आलीये. ज्यामुळे लग्नाच्या नातेसंबंधांवरच प्रश्नचिन्ह उभं राहिलंय. याठिकाणी मामी आपल्या भाच्यासोबत पळून गेल्याचा धक्कादायक प्रकार घडला आहे. मंदिरात जाऊन येते असं सांगून महिला भाच्यासोबत पळून गेली आहे.

या महिलेच्या पतीने माहिती दिली की, देवळात जाऊन येते असं सांगून ती घराबाहेर पडली आणि त्यांच्या एका तरूण भाच्यासोबत फरार झाली आहे. इतकंच नाही तर त्याची आयुष्यभराची कमाई आणि सर्व दागिनेही घेऊन पळून गेली आहे.

नेमकी घटना काय घडली?

सिजाईमध्ये राहणाऱ्या ४० वर्षीय बरे कुशवाहा यांच्या ३५ वर्षीय पत्नीने रविवारी घरातून निघताना विंध्यवासिनी मंदिरात जात असल्याचं सांगितलं होतं. पतीला वाटलं की, देवळात जाऊन आल्यानंतर ती घरी परतेल. मात्र तो पळून जाण्याचा एक कट रचला होता. घरातून निघाल्यानंतर ती महिला मंदिरात जाण्याऐवजी थेट कबराईला गेल्याचं समोर आलं.

आपली पत्नी बराच काळ घरी आली नाही म्हणून पत्नीने कुशवाहाने तिला फोन केला. फोन केल्यानंतर ती त्याच्याशी खोटं बोलली. यावेळी तिने आपण बहिणीच्या घरी गेल्याचं सांगितलं. शिवाय आजची रात्र ती बहिणीच्या घरी राहणार असल्याचं सांगितलं. तो तिथे येत असल्याचं सांगितल्यावर ती फरार झाली. यानंतर तिचा फोनही बंद येत होता.

पोलिसांच्या तपासातून धक्कादायक बाब समोर

यानंतर त्याने पोलिसांत तक्रार दिली आणि ज्या बाबी समोर आल्या त्यामधून पतीला धक्का बसला. बरे कुशवाहा यांचा आरोप आहे की, त्यांची पत्नीचे त्यांच्या २५ वर्षीय भाचा कमलेश कुशवाहासोबत प्रेमसंबंध होते. यामुळेच ती पळून गेली आहे. तिच्यापेक्षा १० वर्षांनी लहान असलेल्या भाच्याच्या आणि त्याच्या मामी या कृत्यामुळे नाते संबंधांवर प्रश्नचिन्ह निर्माण झालंय.

पैसे आणि दागिने घेऊन फरार

बरे कुशवाहाने पोलिसांना सांगितलं की, त्याची पत्नी घरातून सोन्या-चांदीचे दागिने आणि पैसे घेऊन गेलीये. बरे कुशवाह यांनी पोलीस ठाण्यात लेखी तक्रार दाखल केली. पोलिसांनी बेपत्ता व्यक्ती आणि चोरीच्या कलमांखाली गुन्हा दाखल करून तपास सुरू केला आहे.