Uttarpradesh Firozabad Sex Racket Bust Police उत्तरप्रदेशातील फिरोजदाबादमध्ये एका बंद खोलीत दोन महिला आणि दोन पुरुषांना नको त्या अवस्थेत रंगे हाथ पकडल्याची घटना घडली आहे. धक्कादायक म्हणजे इथे देहविक्रीचा व्यवसाय सुरु असल्याचं तपासात उघड झालं. पोलिसांनी संशयित घरावर छापा टाकून चौघांना रंगेहात पकडलं आहे. तसेच गुन्हा देखील दाखल करण्यात आला आहे.

मिळालेल्या माहितीनुसार, लाईनपार पोलिस ठाण्याला काही गुप्त माहितीदारांनी माहिती दिली होती की, आझाद नगर परिसरात एका घरात देह विक्रीचं रॅकेट सुरु आहे. पोलिसांनी मिळालेली माहिती खरी आहे का? हे पडताळून बघण्यासाठी सापळा रचला. रचलेल्या सापळ्याप्रमाणे ठरलेल्या ठिकाणी आझाद नगर परिसरात घरावर छापा टाकला.

या कारवाईदरम्यान पोलिसांना एका बंद खोलीत दोन महिला आणि पुरुष निर्वस्त्र अवस्थेत सापडले. तसेच व्हरांड्यावर बसलेली एक महिला "पळा! पोलिस आले आहेत." अशी ओरडू लागली. तिच्या ओरडण्याने आक्षेपार्ह स्थितीत असलेले दोन तरुण खोलीतून बाहेर पळाले आणि पोलिस पथकाने त्यांना पकडले. खोलीतून बाहेर पडणाऱ्या आणखी एका महिलेलाही महिला पोलिस अधिकाऱ्यांनी ताब्यात घेतले. मुख्य आरोपी महिलेच्या घरातून अनैतिक कृत्ये चालवत असल्याचे पोलिसांचे म्हणणे आहे.

छाप्यादरम्यान पोलिसांनी रॅकेट चालवणाऱ्या महिलेला अटक केली आणि तिच्याकडून ₹४,८०० जप्त केले. चौकशीदरम्यान, ऑपरेटरने कबूल केले की तिने त्या महिलेला आपल्यासोबत ठेवले आणि तिच्या ग्राहकांकडून मोठी रक्कम वसूल केली. तिने घटनास्थळी पकडलेल्या ग्राहकांकडून प्रत्येकी ३०० रुपये वसूल केले होते. दरम्यान, अटक केलेल्या दुसऱ्या महिलेने पोलिसांना सांगितले की तिला व्यवसायात सामील होण्यास भाग पाडले गेले. या प्रकरणाबाबत, फिरोजाबाद शहराचे सीओ प्रवीण तिवारी म्हणाले की, अटक केलेल्या चारही आरोपींविरुद्ध गुन्हा दाखल करण्यात आला आहे.