एमबीबीएस प्रवेशासाठी तरुणाचा टोकाचा निर्णय
अपंग कोट्याचा गैरवापर करण्याचा प्रयत्न
पोलिस तपासात फसवणूक उघड
आरोपीवर गुन्हा दाखल; पुढील चौकशी सुरू
एमबीबीएसमध्ये प्रवेश मिळवण्यासाठी एका तरुणाने पायाची बोटे कापल्याचा धक्कादायक प्रकार समोर आला आहे. उत्तर प्रदेशातील जौनपूरमधून ही घटना उघडकीस आली आहे. एका तरुणाला एमबीबीएसमध्ये प्रवेश मिळत नव्हता. मात्र अपंग कोट्यातून प्रवेश मिळतं असल्याकारणाने या तरुणाने पायाची बोटं कापली. नंतर त्याने अपंग म्हणून एमबीबीएसमध्ये प्रवेश मिळवण्याचा कट रचला. याप्रकरणी त्याचा डाव उधळून लावतं पोलिसांनी त्याच्यावर गुन्हा दाखल केला आहे. या विद्यार्थ्याचं नाव सूरज भास्कर (वर्षे २४) असे आहे.
जौनपूर पोलिसांनी दिलेल्या माहितीनुसार, सूरज भास्करने डी. फार्मा कोर्स पूर्ण केला आहे आणि तो नीटची तयारी करत आहे. अपंग कोट्यातून एमबीबीएसमध्ये प्रवेश मिळवण्यासाठी त्याने पायाची बोटे कापली. पोलिस तपासात असे दिसून आले आहे की, सूरजने इंटरनेटवर पाय कापण्याच्या पद्धती शोधल्या. त्यानंतर त्याने ग्राइंडरने पायाची बोटे कापली. त्यानंतर त्याने पायाची बोटे आणि ग्राइंडर जवळच्या विहिरीत फेकून दिले.
पोलिसांनी ग्राइंडर ताब्यात घेतला असून सूरजच्या पायाची बोटे सापडली नाहीत. सूरजची डायरी आणि त्याच्या मैत्रिणीच्या जबाबातून ही घटना समोर आली. दरम्यान सुरजवर देखील फसवणुकीचा गुन्हा दाखल करण्यात आला आहे. पोलिसांनी या प्रकरणाचा तपास सुरू केला.
सूरजच्या मैत्रिणीने पोलिसांना सांगितले की, सूरजला कोणत्याही परिस्थितीत २०२६ मध्ये एमबीबीएसमध्ये प्रवेश घ्यायचा होता. ऑक्टोबर २०२५ मध्ये, तो बीएचयूमध्ये गेला आणि आवश्यक अपंगत्व कागदपत्रे मिळविण्याचा प्रयत्न केला, परंतु तो यशस्वी झाला नाही. बीएचयूमधून परतल्यानंतर, त्याने स्वतः अपंग होण्याचा निर्णय घेतला. त्याने त्याच्या पायाची बोटे कापली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.