बांदा जिल्ह्यात एक मुलगी घरातून पैसे आणि दागिने घेऊन आपल्या दाजीसोबत पळून गेल्याचा प्रकार घडलाय. तरुणीने घरातून एक लाख रुपये आणि दागिने घेऊन पसार झालीय. याप्रकरणी मुलीच्या वडिलांनी पोलिसात तक्रार दिलीय. पलानी पोलिसांनी एफआयआर नोंदवला आणि तपास सुरू केला असून मुलीचा शोध घेत आहेत.

उत्तर प्रदेशातील बांदा येथे एक विचित्र घटना घडलीय. एक मुलगी आपल्या दाजीसोबत पळून गेली. पळून जाताने मुलीनं घरातील दागिने आणि पैसे चोरले, अशी तक्रार मुलीच्या वडिलांनी दिलीय. मुलीचा त्वरीत शोध घ्यावा, अशी विनंती त्यांनी पोलिसांकडे केलीय. पोलिसांनी एफआयआर नोंदवला आहे. पोलिसांनी पाळत ठेवून तिचा शोध घेण्यास सुरुवात केली आहे. ती लवकरच सापडेल आणि पुढील कायदेशीर कारवाई केली जाईल, असा पोलीस अधिकाऱ्यांचा दावा आहे.

ही घटना पैलानी पोलीस ठाण्याच्या परिसरात घडलीय. वडिलांनी पोलिसांना सांगितले की, त्यांच्या मुलीला तिच्या दाजीनं फूस लावून पळवून नेलंय. दाजीच्या बोलण्यात येत मुलीने घरातून एक लाख रुपये आणि दागिनेही सोबत नेले आहेत. चिंताग्रस्त झालेल्या वडिलांनी नातेवाईकांकडे आणि इतर ठिकाणी मुलीचा सर्वत्र शोध घेतला, परंतु त्यांना ती सापडली नाही. त्यानंतर त्यांनी पोलिसांत तक्रार दाखल केली.

आपल्या मोठ्या मुलीच्या पतीविरुद्ध गुन्हा दाखल केला. पोलीस मुलीचा शोध घेत आहेत. पैलानी पोलीस स्टेशनचे स्टेशन हाऊस ऑफिसर राजेश कुमार यांनी सांगितले की, एका व्यक्तीने आपल्या मुलीच्या बेपत्ता झाल्याची तक्रार दाखल केलीय. कुटुंबाने त्यांच्या मोठ्या जावयावर मुलीला पळवून नेल्याचा आरोप केला आहे. परंतु जावयानं आरोप फेटाळली आहेत. इतकेच नाही तर तो स्वत: आपल्या पत्नीसह पोलीस स्टेशनला आला होता.