गुजरातमधील मोरबी भागात एक संतापजनक प्रकार उघडकीस आला आहे. येथील एका व्यक्तीने घर भाड्याच्या बदल्यात मालकाकडे आपली पत्नी आणि मुलगी सोपवली. घर मालक हा या व्यक्तीचा नातेवाईक असून त्याने मुलगी आणि भाडोत्री महिलेवर वारंवार अत्याचार केला. घर भाडे द्यावे लागू नये म्हणून भाडोत्री व्यक्ती आपली बायको आणि आणि मुलगीला घर मालकाकडे पाठवत असायचा.

हा संतापजनक प्रकार पत्नीच्या आईने तक्रार केल्यानंतर समोर आला. पीडित महिलेच्या आईने जावई, घरमालक आणि एका नातेवाईकाविरुद्ध पोलिसांत तक्रार दाखल केली आहे. पोलिसांनी पती आणि घरमालकाला अटक केली असून, एक नातेवाईक अद्याप फरार आहे. पोलीस त्याचा शोध घेत आहेत. पोलिसांनी घटनास्थळाची पाहणी केली असून पीडित आणि आरोपींच्या वैद्यकीय चाचण्या केल्या. काही वैज्ञानिक पुरावेही गोळा करण्यात आले आहेत. घरमालक आणि गुन्ह्यात मदत करणाऱ्या नातेवाईकाचे कुटुंबीय फरार झाले आहे.

नवऱ्यानं स्वत:च्या पत्नीवर करायला लावला अत्याचार

पीडितेच्या आई आणि आजीने त्यांच्या तक्रारीत म्हटले आहे की, त्यांचे कुटुंब सहा महिन्यांपूर्वी कामासाठी मोरबीला स्थलांतरित झाले होते. पतीने तिथे २,००० रुपयांना एक घर भाड्याने घेतले होते. त्याचे काम चांगले चालत नव्हते, त्यामुळे तो वेळेवर भाडे देऊ शकला नाही. यामुळे भाडे हळूहळू वाढत गेले. परिणामी पतीने आपल्या पत्नी आणि १३ वर्षांच्या मुलीवर बलात्कार करण्यास संमती दिली.

घटनेच्या वेळी ती मुलगी १३ वर्षे आणि ७ महिन्यांची होती. घरमालकाने स्वतःच्याच घरात त्यांच्यावर वारंवार बलात्कार केला. दरम्यान ५५ वर्षीय आरोपी मालकाला पोलिसांनी अटक केली असून त्याला न्यायालयात हजर करण्यात आले. त्यानंतर न्यायालयाने त्याला न्यायालयीन कोठडी सुनावली आहे.