Sangli Crime Saam Tv
क्राईम

Sangli Crime: सांगली हादरली! दहावीच्या विद्यार्थिनीवर बलात्कार, घाबरलेल्या मुलीनं संपवलं आयुष्य

Sangli Police: सांगलीमध्ये शाळकरी मुलीवर बलात्कार करण्यात आल्याची घटना घडली. या घटनेनंतर मुलीने राहत्या घरी गळफास घेऊन आत्महत्या केली. या प्रकरणी पोलिसांनी चौघांविरोधात गुन्हा दाखल केला. यामधील दोघांना अटक करण्यात आली आहे.

Priya More

विजय पाटील, सांगली

सांगलीमध्ये दहावीमध्ये शिकणाऱ्या मुलीवर बलात्कार झाल्याची घटना घडली. या मुलीने राहत्या घरी गळफास घेऊन आत्महत्या केली. या घटनेमुळे सांगली हादरले आहे. सांगलीच्या आटपाडी तालुक्यातील करगणीमध्ये ही धक्कादायक घटना घडली. या प्रकरणी सांगलीतील पोलिस ठाण्यामध्ये चौघांविरोधात गुन्हा दाखल करण्यात आला आहे. या घटनेनंतर गावकरी संतप्त झाले असून त्यांनी आरोपींविरोधात कठोर कारवाई करण्यात यावी अशी मागणी केली आहे.

मिळालेल्या माहितीनुसार, सांगलीच्या करगणीनजीकच्या एका गावामध्ये पीडित मुलगी आपल्या कुटुंबीयांसोबत शेतामध्ये राहत होती. ती गावातील माध्यमिक शाळेमध्ये दहावीमध्ये शिकत होती. या मुलीला गावातील काही टवाळखोर पोरं त्रास देत होते. शाळेमध्ये जाताना येताना ते तिची छेड काढायचे. यामधील एका तरुणाने रविवारी या मुलीवर बलात्कार केला. या घटनेनंतर मुलीचे आपल्या वडिलांना घटनेची माहिती दिली. तिच्यासोबत घडलेला प्रकार ऐकून तिचे वडिलांच्या पायाखालची जमीन सरकली.

मुलीचे आई-वडील सोमवारी सकाळी पोलिस ठाण्यात तक्रार दाखल करण्यासाठी जाणार होते. पण त्यापूर्वीच या मुलीने राहत्या घरी गळफास घेऊन आत्महत्या केला. या घटनेनंतर संतप्त झालेल्या गावकऱ्यांनी आटपाडी पोलिस ठाण्यावर मोर्चा घेऊन जात घटनेचा निषेध केला आणि आरोपींवर कठोर कारवाईची मागणी केली. संतप्त ग्रामस्थांकडून एका संशयित आरोपीला बेदम मारहाण देखील करण्यात आली. त्याच्यावर रुग्णालयात उपचार सुरू आहे.

या घटनेचा निषेध म्हणून गावकऱ्यांनी गाव बंद ठेवले. आरोपींना कठोर शिक्षा द्या अशी मागणी गावकऱ्यांनी केली. दरम्यान या घटनेप्रकरणी आटपाडी पोलिस ठाण्यामध्ये चौघांविरोधात गुन्हा दाखल करण्यात आला असून दोघांना अटक करण्यात आले आहेत. तर दोघे जण फरार आहेत. याप्रकरणी अधिक तपास सुरू असल्याचं आटपाडी पोलिसांकडून सांगण्यात आले.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Bhiwandi Accident: देवदर्शनावरून घरी परतताना काळाचा घाला; मुंबई-नाशिक महामार्गावर दुचाकीचा अपघात, बापलेकीचा मृत्यू

Leopard Attack: मैत्रीला जागला...! बिबट्याचा कुत्र्यावर हल्ला, श्वानाच्या निडर मैत्रीसमोर बिबट्याची माघार Video Viral

IPS Anjana Krishna: आधी वाद नंतर अजितदादांची स्पष्टीकरणाची पोस्ट; उपमुख्यमंत्र्यांनाच पॉवर दाखवणारी अंजली कृष्णा नेमक्या कोण?

Vanraj Andekar Case: तोच महिना अन् आंदेकर टोळीने नाना पेठेतच आयुषचा गेम केला, पुण्यात रक्तरंजित थरार

HIV: एचआयव्हीच्या रुग्णांनी कोणत्या गोष्टी केल्या पाहिजेत?

SCROLL FOR NEXT