भरत मोहळकर, साम टीव्ही, प्रतिनिधी

Pune Crime News : पुण्यात स्वारगेट बस स्थानकातील शिवशाही बसमध्ये तरुणीवर बलात्काराची संतापजनक घटना घडल्याने महाराष्ट्रात खळबळ उडालीय... मात्र या घटनेच्या निमित्ताने स्वारगेट डेपोतील अडगळीत पडलेल्या बसेसमध्ये सेक्स रॅकेट सुरु असल्याची धक्कादायक बाब समोर आलीय. साम टीव्हीनं थेट या बसमध्ये जाऊन या सेक्स रॅकेटचा पर्दाफाश केलाय.

सुस्त एसटी प्रशासनामुळेच स्वारगेट बस स्थानकातल्या या अडगळीतल्या बसेस गुन्हागारांचा अड्डाच बनल्या आहेत. आणि त्यामुळेच एक तरुणी बलात्काराला बळी पडलीय. या बसमध्ये नेमकं काय सापडलं ते पाहूयात..

एसटी बसमध्ये रात्रीस खेळ चाले !

- 30 कंडोम

- 5 साड्या

- 6 ब्लँकेट

- 1 चादर

- कपडे

- ओढण्या

- गांजा

- सिगारेट

- दारूच्या बाटल्या

शिवशाही बसमध्ये पडलेल्या वस्तू पाहिल्यानंतर या बसेसमध्ये सेक्स रॅकेट चालत हे जरी स्पष्ट असलं तरी या तरुणीसारख्याच यापूर्वी आणखी किती मुलींवर अत्याचार तर झाले नाहीत ना याची चौकशी करण्याची गरज आहे. त्यामुळेच ठाकरे गटाचे नेते वसंत मोरेंनी मात्र सुरक्षा रक्षकांवर कारवाई करण्याची मागणी केलीय.

एकीकडे महिलांना प्रवासी तिकीटात 50 टक्के सुट दिली जातेय.. मात्र दुसरीकडे याच महामंडळाच्या जुन्या बस महिलांच्या सुरक्षेवर उठल्या आहेत.. त्यामुळे एसटी बस डेपोतील वाऱ्यावर असलेली सुरक्षा आणि सेक्स रॅकेटचा अड्डा बनलेल्या जुन्या बसेसची कधी विल्हेवाट लागणार? हा प्रश्न आहे.