भरत मोहळकर, साम टीव्ही, प्रतिनिधी

छत्रपती संभाजी महाराजांच्या जीवनावर आधारित छावा सिनेमा पाहण्यासाठी प्रेक्षक चित्रपट गृहात गर्दी करत आहेत. मात्र पुण्यात सिनेमागृहातच पोलिसांनी गनिमी कावा करुन मकोकातील 2 आरोपींच्या मुसक्या आवळल्यात. त्याचं झालं असं की, पुण्यातील हडपसर परिसरातील वैभव टॉकीजमध्ये धर्मेनसिंग भादा आणि बादशाहसिंग भोंड हे छावा पाहायला गेले आणि पोलिसांनी सापळा रचून दोन्ही आरोपींना बेड्या ठोकल्या.. मात्र चित्रपटगृहात कसा रंगला अटकेचा थरार? पाहूयात.

चित्रपट गृहातच रंगला अटकेचा थरार

- धर्मेनसिंग भादा आणि बादशाहसिंग भोंड यांच्यावर मकोका, एनडीपीएसचे गुन्हे

- दोन्ही आरोपी वैभव टॉकीजमध्ये छावा पाहायला गेल्याची पोलिसांना टीप मिळाली

- पोलिसांनी प्लॅनिंग करुन सिनेमागृहात कॉम्बिंग ऑपरेशन राबवलं

- अखेर पोलीसांनी आरोपींच्या मुसक्या आवळल्या

छत्रपती शिवाजी महाराजांनी गनिमी कावा करत आणि छत्रपती संभाजी महाराजांनी थेट मुघलांना भिडून रयतेचं रक्षण केलं.. तसंच पोलिसांनीही छत्रपती शिवाजी महाराज आणि छत्रपती संभाजी महाराजांच्या इतिहासातून प्रेरणा गुन्हेगारांना सळो की पळो करुन सोडायला हवं.