पुणे, ता. २८ जून २०२४

बारामती तालुक्यातील निंबुत येथे बैलगाडा शर्यतीच्या वादातून गोळीबार झाल्याची धक्कादायक घटना समोर आली आहे. या गोळीबारात एकजण गंभीर जखमी झाला आहे. शर्यतीच्या बैल खरेदीच्या व्यवहारातून हा गोळीबार झाल्याचे सांगण्यात येत आहे. याप्रकरणी दोघांना ताब्यात घेण्यात आले आहे.

याबाबत सविस्तर माहिती अशी की, बारामती तालुक्यातील निंबुत येथे एक गोळीबाराची घटना घडली आहे. यामध्ये एक जण गंभीर जखमी झाला आहे. बैलगाडा शर्यतीच्या वादातून हा गोळीबार झाल्याचे सांगण्यात येत आहे. निंबुत येथील गौतम काकडे यांच्या घरासमोर हा गोळीबार झाला.

गौतम काकडे यांनी फलटण येथील रणजीत निंबाळकर यांचा शर्यतीचा बैल खरेदी केला होता.. हा खरेदी केलेला बैल निंबाळकर हे पुन्हा मागत होते. मात्र याच्यातून त्यांच्यात वाद निर्माण झाला. रणजित निंबाळकर हे काल मोठ्या प्रमाणात लोक घेऊन गौतम काकडे यांच्या घरी जबरदस्तीने बैल नेण्यासाठी आले होते.

यावेळी त्यांचा वाद झाला आणि याच्यातूनच गोळीबार झाला. या गोळीबारामध्ये रणजीत निंबाळकर हे गंभीर जखमी झालेत. याप्रकरणी पोलिसांनी गौरव काकडे,सोमेश्वर कारखान्याचे माजी अध्यक्ष शहाजी काकडे आणि मुलगा गौतम काकडे याला ताब्यात घेतल्याची माहिती मिळत आहे.