पुणे, ता. १३ जून २०२४

हप्त्याची मागणी करत चाकण बाजार समितीत गावगुंडांनी दहशत माजवल्याचा धक्कादायक प्रकार समोर आला आहे. यावेळी आडत व्यापाऱ्यांसह बाजार समिती संचालकांना ५ ते सहा जणांकडून मारहाण करण्याचा आली. या मारहाणीची घटना सीसीटिव्ही कॅमेऱ्यात कैद झाली आहे.

याबाबत सविस्तर माहिती अशी की, चाकण बाजार समितीत गावगुंडांनी दहशत माजवल्याची घटना घडली आहे. हप्त्याची मागणी करत मध्यरात्री गावगुंडांनी बाजारसमितीत दहशत माजवली. तसेच अडत व्यापाऱ्यांना पाच ते सहा जणांकडून बेदम मारहाण झाल्याचे समोर आले आहे. ही मारहाणीची घटना सीसीटीव्ही कॅमेऱ्यात कैद झाली आहे.

धक्कादायक बाब म्हणजे रात्री बाजार समिती परिसरात येऊन या गुंडांनी शेतकऱ्यांना धमकावले होते. त्यानंतर त्यांना अटकही करण्यात आली होती. मात्र पोलिसांनी त्यांना पहाटे सोडून दिल्याने या गावगुंडांनी पुन्हा बाजारसमितीत राडा घातला.यावेळी दगड, काठी कोयत्यांनी दहशत माजवत त्यांनी शेतकरी- व्यापाऱ्यांना मारहाण केली.

या घटनेमुळे शेतकरी तसेच व्यापाऱ्यांमध्ये भितीचे वातावरण पसरले आहे. गुंडाच्या या दहशतीमुळे चाकण बाजार समिती बंद ठेवण्याचा निर्णय आडते आणि व्यापाऱ्यांनी घेतला आहे. तसेच गावगुंडाचा बंदोबस्त करा अन्यथा बाजारसमिती बंद इशारा देण्यात आला आहे. चाकण पोलीस याबाबत अधिक तपास करत आहेत.