- रामनाथ ढाकणे

Chhatrapati Sambhajinagar News :

छत्रपती संभाजीनगर मध्ये एका 4 वर्षाच्या नातीला सख्या चुलत आजीने 5 हजारात विकल्याची धक्कादायक घटना समोर आली आहे. पोलिसांनी या प्रकरणाचा सखोल तपास करत अवघ्या 12 तासात आजीला अटक केली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पाेलिसांनी याबाबत दिलेल्या माहितीनूसार आजीने मुलीला तुझी आई आली आहे तिच्याकडे जाऊ या. आपण आईस्क्रीम खाऊ असे सांगून तिचे पैशाच्या हव्यासापोटी अपहरण केले. त्यानंतर तिला 5 हजार रुपयांमध्ये काेपरगावच्या महिलेला विकले. (Maharashtra News)

या प्रकरणी सलीमा बेगम अजिज खान आणि अलका काशिनाथ उलाळे या आरोपींना सिटी चौक पोलिसांनी अटक केली. दरम्यान मुलीला तिच्या मामाकडे सोपवले. धक्कादायक माहिती अशी की मूलबाळ होत नसल्याने कोपरगावच्या अलका काशिनाथ उल्हाळे हिने मुलीची चुलत आजी सलीमा बेग अजीज खान तिच्याकडून तिला विकत घेतले. मात्र पोलिसांनी या प्रकरणाचा सखोल तपास करत अवघ्या 12 तासात या महिलेला व आजीला अटक केली.

दरम्यान याची मुख्य मुलीच्या आईने दुसरा विवाह केल्याने ही मुलगी आपल्या आजीकडे राहत होती. मात्र आजीकडूनच या नातीला विकल्याचा धक्कादायक प्रकार घडल्याने शहरात एकच खळबळ उडालीय.

Edited By : Siddharth Latkar