Anti Narcotics Branch Bandra Unit Action:

अंधेरी परिसरात अमली पदार्थ विरोधी शाखेने मोठी कारवाई करत एका ड्रग पेडलरला अटक केलीय. या पेडलरकडून अमली पदार्थ विरोधी शाखेने १२५ ग्रॅम जप्त केलंय. या अमली पदार्थाची किंमत १.२५ कोटी रुपये असल्याचं सांगितलं जात आहे. अमली पदार्थ विरोधी शाखेच्या वांद्रे युनिटने ही कारवाई केलीय. (Latest News)

ड्रग पेडलर विरोधातील विशेष कारवाईदरम्यान सोमवारी एक नायजेरियन इसम अंधेरी पूर्व परीसरात संशयपणे वावरताना अमली पदार्थ विरोधी शाखेच्या अधिकाऱ्यांना आढळला. संशयावरून त्याला ताब्यात घेण्यात आले आणि त्याच्या अंग झडती घेतली असता त्यांच्याकडून तब्बल १२५ ग्रॅम कोकेन सापडले. ही एवढा कोकेनचा साठा त्याने कुठून आणला आणि कोणाला तो ते सप्लाय करणार होता याचा सध्या शोध सुरू आहे. आरोपीला आज कोर्टात हजर केले असता कोर्टाने त्याची रवानगी पोलीस कोठडीत केली आहे.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

अमली पदार्थ विरोधी शाखेने आरोपीची चौकशी केल्यानंतर आरोपी मुंबई शहर आणि उपनगरात अमली पदार्थांची विक्री करत असल्याच तपासात उघड समोर आले. दरम्यान २०२३-२४ मध्ये अमली पदार्थ विरोधी शाखेने ५६ कोटी रुपयांचे अमली पदार्थ जप्त केले आहे. या वर्षात २३३ ड्रग पेडलरांना केली अटक करण्यात आलीय. या आरोपींमध्ये १६ नायजेरियन तर २ टांझानियन नागरिकांचा समावेश आहे.