नाशिकमध्ये (Nashik) सध्या गुन्हेगारीचं प्रमाण वाढत आहे. चुंचाळेत एका रिक्षाचालकाने दुसऱ्या रिक्षाचालकाचा खुन केल्याची घटना घडली आहे. या घटनेमुळे परिसरात खळबळ उडाली होती. नक्की काय घडलं होतं, ते आपण पाहू या. (Latest Crime News)
अंबड औद्योगिक वसाहती जवळील चुंचाळे घरकुल योजना भागात एका रिक्षाचालकाने किरकोळ कारणावरुन दुसऱ्या रिक्षाचालकाचा खून केला (rickshaw Driver Killing Case Chunchale) आहे. या प्रकरणी पोलिसांनी दोन जणांना ताब्यात घेतलं आहे. शंकर गाडगीळ (वय ३८) असं मृत व्यक्तीचं नाव आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
किरकोळ वादातून हत्या
चुंचाळे घरकुल योजना भागात काल रात्री साडे दहा वाजेच्या सुमारास किरकोळ कारणावरून संशयित रिक्षाचालक सोनु कांबळे, त्याचा भाऊ महेंद्र कांबळे आणि एक अल्पवयीन यांच्यात वाद झाला होता. या वादाचं रूपांतर हाणामारीत (Nashik Crime News) झालं होतं.
या घटनेत शंकर गाडगीळ याच्या डोक्यात लाकडाने मारलं. त्यामुळे शंकर गाडगीळ गंभीर जखमी झाला होता. जखमी शंकर गाडगीळ यांना तातडीने शासकीय रुग्णालयात दाखल केले होते. तेव्हा डॉक्टरांनी मृत घोषीत (Rickshaw Driver Killed) केलं. या घटनेमुळे परिसरात चांगलीच खळबळ उडाली होती.
तिघांना ताब्यात घेतलं
या प्रकरणी चुंचाळे अंबड औद्योगिक वसाहत पोलीस चौकीचे पोलीस निरीक्षक मनोहर कारंडे यांच्या मार्गदर्शनाखाली पोलीस उपनिरीक्षक संदिप पवार, पोलीस हवालदार ढाकणे व पथक घटनास्थळी धाव (Nashik Crime) घेतली.
पोलिसांनी घटनेनंतर लगेच संशयित रिक्षाचालक सोनु कांबळे व त्याचा भाऊ महेंद्र कांबळे व एक अल्पवयीन या संशयितांना ताब्यात घेतलं (Crime News) आहे. मयत व संशयित आरोपी हे चुंचाळे घरकुल भागात राहणारे आहेत. याप्रकरणी पोलीस अधिक तपास करत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.